ИщыIэныгъэ къагъэнэжьыгъ
Адыгэ республикэ клиническэ сымэджэщым Iоф щызышIэрэ хирургхэу Р. А. Щыкомрэ Т. М. КIасэмрэ операцие хьылъэ мы мафэхэм ашIыгъ.
Республикэ сымэджэщым къызэрэщаIуагъэмкIэ, илъэс 59-рэ зыныбжь бзылъфыгъэр ышъхьэ зэрэуназэрэм, тэрэзэу зэрэмыкIорэм, ыIэ сэмэгу зэрэпылIыкIырэм агъэгумэкIэу лъынтфэ хирургием иотделение еолIагъ. Ар ауплъэкIугъ, триплекснэ сканирование фашIыгъ.
Адыгэ республикэ клиническэ сымэджэщым иинстаграм нэкIубгъо къызэрэщатхыгъэмкIэ, соннэ артериитIури нахь бгъузэ хъугъэхэу къыхагъэщыгъ. Нэужым сымаджэм ипсауныгъэ зэтегъэуцожьыгъэным фэIорышIэрэ операцие хьылъэ ашIыгъ.
Врачхэр игъом IэпыIэгъу къызэрэфэхъугъэхэм ишIуагъэкIэ бзылъфыгъэм ищыIэныгъэ къагъэнэжьын алъэкIыгъ. ИщыкIэгъэ фэIо-фашIэхэр зэкIэ фагъэцакIэхи, сымэджэщым къычIатхыкIыжьыгъ.
Абрэдж Сэтэнай.