2021-рэ илъэсым щылэ мазэм и 1-м къыще­гъэжьагъэу автомобильхэм арылъ аптечкэ хьазырхэр водительхэм къамыщэфынхэ фи­тыныгъэ яIэ хъущт.

Урысыем псауныгъэр къэу­хъумэгъэнымкIэ и Министерствэ иунашъоу N 1080н диштэу джы ар ежь-ежьырэу зэдалъхьан алъэкIыщт.

Ащ дакIоу, мы пIалъэм ыпэкIэ къыдагъэкIыгъэ аптечкэхэр (ащ адэлъ медицинэ пкъыгъохэм ягъо емыкIыфэ) 2024-рэ илъэсым тыгъэгъазэм и 31-м нэс ащэнхэ фитых.

— Аптечкэхэм язэдэлъхьан епхыгъэ шапхъэм зэхъокIыныгъэу фашIыгъэм щэфакIохэмкIэ къиныгъо къыпымыкIыным тицыхьэ телъ. Джащ фэдэу, ищыкIагъэ къэс ащ дэмылъы­жьыр ежьхэм къащэфызэ ха­гъэхъон амал джы яIэ хъущт, — къыщаIуагъ УФ-м псауны-гъэр къэухъумэгъэнымкIэ и Ми­нистерствэ.