«МицуБаскет» Липецкэ хэку — «Динамо-МГТУ» Мыекъуапэ — 71:80 (14:14, 18:15, 19:17, 20:34). ШэкIогъум и 22-м Липецкэ щызэдешIагъэх.

«Динамо-МГТУ»: Чичайкин — 8, Суслов — 1, Рябов, Александров — 20, Гапошин, Саленко — 7, Милютин — 8, Еремин — 18, Князев — 10, Кочнев — 8. «МицуБаскетым» къыхэщыгъэхэр: Пинаев — 17, Рожков — 15, Кузнецов — 11.

Едзыгъуищыр заухым «МицуБаскетым» текIоныгъэр ыхьыщтыгъ. «Динамо-МГТУ-м» иешIа­кIохэмрэ пащэхэмрэ зэдегу­пшысэхи, хэкIыпIэ къагъотыгъ. Адыгеим испортсменхэр нахь псынкIэу ешIэхэу, нахь шъуам­бгъоу апэкIэ илъхэу фежьагъэх. Хъагъэм Iэгуаор изыдзэхэрэм япчъагъэ нахьыбэ хъугъэ.

Липецкэ хэкум икомандэ ащ фэдэ ешIакIэм фэмыхьазырэу къэлъэгъуагъ. «Динамо-МГТУ-м» икапитанэу, спортымкIэ дунэе класс зиIэ мастерэу Илья Александровыр, Николай Ереминыр, нэмыкIхэри дэгъоу ешIагъэх, хъурджанэм Iэгуаор бэрэ ра-дзагъ, текIоныгъэр къыдахыгъ.

Урысыем баскетболымкIэ изэ­нэкъокъоу апшъэрэ купэу «Б-м» щыкIорэм командэхэм зэIукIэгъоу щыряIагъэр зэфэдизэп. Ар къыдэтлъытэзэ, чIыпIэу зыдэщытхэм, очко пчъагъэу къахьыгъэм шъуащытэгъэгъуазэ.

ЧIыпIэхэр

1. «Тамбов» — 13 2. «Барнаул» — 13 3. «Металлург» — 13 4. «Чебоксарские Ястребы» — 12 5. «Динамо» С — 11 6. «ЧелБаскет» — 11 7. «Динамо-МГТУ» — 10 8. «Нефтехимик» — 10 9. «Русичи» — 9 10. «МицуБаскет» — 7 11. «Барс-РГЭУ» — 5.

Зичэзыу ешIэгъухэр

ШэкIогъум и 30-м «Динамо-МГТУ-р» Ростов-на-Дону икомандэу «Барс-РГЭУ-м», тыгъэгъазэм и 2-м Алтай краим икомандэу «Барнаулым» адешIэщт. Адыгэ Республикэм испорт Унэшхоу «Ошъутенэм» зэIукIэгъухэр щыкIощтых.