ШэкIогъум и 23-м сыхьатыр 10-м ехъулIэу зэпахырэ узэу коронави­русыр Адыгеим щыпсэурэ нэбгырэ 7533-мэ къахагъэщыгъ.

Ахэм ащыщэу нэбгырэ 1361-мэ яIазэх (чэщ-­зымафэм нэбгырэ 81-рэ хэхъуагъ), хъужьыгъэр — 6110-рэ (чэщ-зымафэм — 43-рэ хэхъуагъ), зидунай зыхъожьыгъэр нэбгырэ 62-рэ (зы нэ­бгырэ хэхъуагъ).

Зэпахырэ узхэм зыщяIэзэхэрэ госпиталым Теуцожь районым щыщ хъулъфыгъэм идунай щихъожьыгъ. Лабораторнэ уплъэкIунхэм къызэрагъэлъэгъуагъэмкIэ, COVID-19-р ушъхьагъу фэхъугъ.

Нэбгырэ 7533-р республикэм имуниципалитетхэм атегощагъэу:

— Мыекъуапэ — 2879-рэ, — Тэхъутэмыкъое районыр — 1158-рэ, — Мыекъопэ районыр — 819-рэ, — Красногвардейскэ районыр — 639-рэ, — Кощхьэблэ районыр — 529-рэ, — Теуцожь районыр — 486-рэ, — Адыгэкъалэ — 463-рэ, — Джэджэ районыр — 285-рэ, — Шэуджэн районыр — 275-рэ.

Iудзыгъэ шIыкIэм тетэу

Мы уахътэм ехъулIэу коронавирусым ыпкъ къикIыкIэ Адыгеим икIэлэеджэкIо 2861-рэ Iудзы­гъэ шIыкIэм тетэу рагъаджэх. КIэлэеджакIом е кIэлэегъаджэм а узыр къызэрэхагъэщыгъэм ар къыкIэлъыкIуагъ. Республикэм иеджэпIэ 49-мэ якласси 123-рэ мыщ къыхиубытагъэх (Адыгэ­къалэрэ Теуцожь районымрэ хэмытхэу).

ЫпэкIэ Iудзыгъэ шIыкIэм тырагъэхьэгъэгъэ класси 168-мэ якIэлэеджэкIо 4025-мэ очнэ шIыкIэм тетэу еджэныр рагъэжьэжьыгъ.

Джащ фэдэу, Адыгеим икIэлэцIыкIу IыгъыпIэ 19-мэ якуп 29-рэ зэфашIыгъэх. Ахэр Мыекъуа­пэ, Джэджэ, Мыекъопэ, Кощхьэблэ, Красногвардейскэ ыкIи Шэуджэн районхэм ащыIэх.