Адыгэ Республикэм инахьыжъхэм я Совет итхьаматэу ГъукIэлI Нурбый итхыгъэ Адыгэ Республикэм и ЛIышъхьэ фигъэхьыгъ. Тхыгъэм мырэущтэу къыщеIо: «Нахьыжъхэм я Совет хэт­хэр коронавирусым Адыгэ Республикэм лъэ­шэу зызэрэщиушъомбгъурэм егъэгумэкIых. Къэбар жъугъэм иамалхэмкIэ цIыфхэм ящыкIэгъэ къэбархэр зэралъагъэIэсыхэрэм, хэу­жъыныхьэгъэ уз зиIэхэмрэ зыныбжь илъэс 65-м шъхьадэкIыгъэхэмрэ яунэхэм арысынхэмкIэ амал­хэр зэрэзэрахьэхэрэм, цIыфхэр жъугъэу зыхэлэжьэрэ Iофтхьабзэхэр зэрэзэхамыщэхэрэм ямылъытыгъэу Iофхэм язытет зэрэдэигъэу къэнэжьы».

Ащ епхыгъэу нахьыжъхэм я Совет игъо ылъэ­гъугъ зызэраухъумэрэ пкъыгъохэр, нэгуихъохэр шIокI имыIэу агъэфедэн зэрэфаехэмкIэ такъикъи 5 — 10 тешIэ къэс бэдзэрхэм, автовокзалхэм, мэшIокугъогу вокзалхэм, сатыу гупчэшхохэм ыкIи нэмыкI общественнэ чIыпIэхэм радиомкIэ цIыфхэм макъэ ащарагъэIунэу. Джащ фэдэу шъолъырым ирадиокъэтынхэми, ителе­къэтынхэми ар ахагъэхьанэу, МВД-м иполицейскэ машинэхэри ащкIэ агъэфедэнхэу.