«Поступи в вуз онлайн» зыфиIорэ шIыкIэр абитуриентхэм агъэфедэн алъэкIыщт. Мыщ фэгъэхьыгъэу къэгущыIагъ Рособрнадзорым ипащэу Анзор Музаевыр.

— 2021-рэ илъэсым Iоны­гъом и 1-м къыщегъэжьагъэу тыгъэгъазэм и 31-м нэс пилотнэ проектым иаужырэ уцугъо кIощт. 2022-рэ илъэсым мы шIыкIэм тытехьажьыщт, — къы­Iуагъ А. Музаевым.

2020-рэ илъэсым мэкъуо­гъум къыщегъэжьагъэу мы сервисым Iоф ешIэ. Апшъэрэ гъэсэныгъэ зыщызэрагъэгъотырэ учреждение 54-мэ проектым амалэу къытыхэрэр къызфагъэфедэ. Университетым чIэхьан гухэлъ зиIэ нэбгырэ мин 20-м ехъумэ Iудзыгъэ шIыкIэм тетэу ятхылъхэр агъэхьыгъэх. 2021-рэ илъэ­сым университети 137-рэ про­ектым хагъэхьан гухэлъ яI.

Мыекъопэ къэралыгъо технологическэ университетым ипресс-къулыкъу тызэрэщигъэгъозагъэмкIэ, мыгъэ Iудзыгъэ шIыкIэм тетэу тхылъхэр абитуриентхэм агъэхьын амал яIагъ. Джащ фэдэу пстэури зэсэгъэ шIыкIэми Iоф ышIэщтыгъ. Къэ­кIорэ егъэджэн илъэсми сервисым иамалхэр къызфагъэфедэнхэу агъэнафэ.

Абрэдж Сэтэнай.