«Зэкъошныгъ» Мыекъуапэ – «Черноморец» Новороссийск – 0:3. ШэкIогъум и 21-м Мыекъуапэ щызэдешIагъэх.Къэлапчъэм Iэгуаор дэзыдзагъэхэр: Тимошенко — 37, 62, Машезов — 59. «Черноморец» командэ лъэш, купэу «Къыблэм» анахь дэгъоу щешIэрэмэ ащыщ. Ифэшъуашэу текIоныгъэр Мыекъуапэ къыщыдихыгъ.

Я 16-рэ ешIэгъухэр

«Легион» — «Ессентуки» — 4:0, «Краснодар-3» — «Кубань-Холдинг» — 1:6, «Форте» — «Спартак» — 0:0, «Мэщыкъу» — «Анжи» — 1:1, «ТIуапсэ» — «Динамо» — 2:4, «Интер» — «Махачкала» — 0:0.

ШъунаIэ тешъудз: «Легион» ыкIи «Ессентуки» шэкIогъум и 3-м зэдешIагъэх.

— Гуетыныгъэ ахэлъэу тиешIа­кIо­хэр зэIукIэгъум хэлэжьагъэх, ау «Черноморец» Новороссийск джырэ уахътэ текIонхэ алъэкIыщтэп. Футболым хэгъозэгъэ нэбгырабэ «Черноморцэм» хэт, — къытиIуагъ Мыекъопэ «Зэкъош­ныгъэм» итренер шъхьаIэу Ешыгоо Сэфэрбый. — ТиешIакIохэр ныбжьыкIэх, зэнэкъокъу инхэм афэхьазырыхэп. 2021-рэ илъэсым тызэрешIэщт шIыкIэм тегупшы­сэщт.

Апэрэ къекIокIыгъор купэу «Къыблэм» щаухыгъ. Командэхэр чIыпIэу зыдэщытхэм, очко пчъа­гъэу яIэм шъузэпяплъ.

ЧIыпIэхэр

1. «Кубань-Холдинг» — 38 2. «Краснодар» — 34 3. «Черноморец» — 32 4. «Легион» — 32 5. СКА – 31 6. «Анжи» — 26 7. «Спартак» — 23 8. «Динамо» — 20 9. «Форте» — 19 10. «Мэщыкъу» — 19 11. «Махачкала» — 16 12. «Зэкъошныгъ» — 16 13. «Краснодар-3» — 14 14. «Биолог» — 14 15. «Интер» — 12 16. «Ессентуки» — 11 17. «ТIуапсэ» — 4. Я 17-рэ ешIэгъухэр 2021-рэ илъэсым гъэтхапэм и 6-м купэу «Къыблэм» щыкIощтых. «Зэкъош­ныгъэр» Налщык щыIукIэщт «Спартакым».