ПАО-у «Россети Кубань» зыфиIорэм иIофышIэхэм 2020-рэ илъэсыр къызихьагъэм къыщыублагъэу вольт инхэр къэзытырэ подстанциеу 19 ыкIи электричествэм икIуапIэу 28-рэ тепловизорхэр агъэфедэзэ ауплъэкIугъ.

Ащ ишIуагъэкIэ электроэнергие къэзытырэ оборудованиитIумэ фыкъуагъэу яIэр игъом къыхагъэщын ыкIи агъэцэкIэ­жьын алъэкIыгъ.

Тепловизорыр къыздырагъа­Iэзэ уплъэкIунхэр зэрэзэхащэхэрэр нахьыбэ хъугъэ. Электрооборудованием изытет игъом агъэунэфын амал ащ къеты. Мы уплъэкIунхэм къагъэ­лъэгъуагъэр къыдалъытэзэ гъэ­цэ­кIэжьын IофшIэнхэм яплан зэхагъэуцо. Ащ ишIуагъэкIэ нахь псынкIэу щыкIагъэхэр дагъэзы­жьых ыкIи нахь макIэу мылъку атырагъэкIодэнэу мэхъу. Мы уахътэм ары анахь щынэгъончъэ ыкIи Iэрыфэгъу шIыкIэу щыIэр.

— Электроэнергиер къэзытырэ оборудованием щыкIагъэу иIэр игъом къыхэгъэщыгъэным энергосистемэм иIофшIэн нахь цыхьэшIыгъо къешIы. Бжыхьэ- кIымэфэ уахътэу, тегъэуагъэр зыщынахьыбэм ащ мэхьанэу иIэр нахь ин мэхъу, — къы­Iуагъ «Россети Кубань» и Адыгэ шьолъыр къутамэ ипащэу Рус­там Магдеевым.

Мы шъолъыр къутамэм Адыгеим ыкIи Краснодар краим ямуниципальнэ образованиехэу Мыекъопэ, Джэджэ, Шэуджэн, Кощхьэблэ, Красногвардейскэ, Шытхьэлэ ыкIи Апшеронскэ районхэм, Мыекъуапэ электричествэр аIэкIегъахьэ. Ахэм пстэумкIи нэбгырэ мин 520-м ехъу ащэпсэу.

Къутамэм киловатт 35-110-рэ къэзытырэ подстанцие 59-рэ, киловатти 6-10/0,4 кIуачIэу зиIэ трансформатор 2097-рэ ыкIи электричествэм икIуапIэу километрэ 8977-рэ епхыгъ.