Илъэс къэс, чъэпыогъум и 1-м, нэжъ-Iужъхэм я Мафэ, УФ-м цIыф­хэм яфитыныгъэхэр къэухъумэгъэнхэмкIэ и Уполномоченнэ проектэу «Правовой марафон для пенсионеров» зыфиIорэр етIупщы. ПенсиехэмкIэ фондыр анахь чанэу ащ хэлажьэхэрэм ащыщ. Мы проектым къыдыхэлъытагъэу, шэкIогъум и 11-м УФ-м ПенсиехэмкIэ ифонд и Къутамэу АР-м щыIэм ыкIи ащ епхыгъэ чIыпIэ органхэм «линие занкIэ» пенсионерхэм афызэхащэщт. Пенсиехэм афэгъэхьыгъэ хэбзэгъэуцугъэм фитыныгъэу къаритыхэрэм икъоу ащыгъэгъозэгъэнхэм ар фытегъэпсыхьагъ.

ЗэкIэ шIоигъоныгъэ зиIэ пстэур а мафэм телефонхэмкIэ къытеонхэ алъэкIыщт. Къутамэм ыкIи чIыпIэ органхэм яспециалистхэм упчIэхэм джэуапхэр къаратыжьыщтых.

Мары телефонхэр:

1. УФ-м ПенсиехэмкIэ ифонд и Къутамэу АР-м щыIэр: 7(8772) 21-01-71; 2. МыекъуапэкIэ ГъэIорышIапIэр: 7(8772) 21-03-84; 3. АдыгэкъалэкIэ отделыр: 7(87772) 9-27-37; 4. Джэджэ районымкIэ Гъэ­IорышIапIэр: 7(87779) 9-16-36; 5. Кощхьэблэ районымкIэ ГъэIорышIапIэр: 7(87770) 9-13-73; 6. Красногвардейскэ районымкIэ ГъэIорышIапIэр: 7(87778) 5-30-14; 7. Мыекъопэ районымкIэ ГъэIорышIапIэр: 7(87777) 2-13-12; 8. Тэхъутэмыкъое районымкIэ ГъэIорышIапIэр: 7(938) 431-08-47; 9. Теуцожь районымкIэ Гъэ­IорышIапIэр: 7(87772) 9-72-75; 10. Шэуджэн районымкIэ ГъэIорышIапIэр: 7(87773) 9-24-97. УФ-м ПенсиехэмкIэ ифонд и Къутамэу АР-м щыIэм ипресс-къулыкъу.