Хьафизэхэм я Дунэе мафэ ехъулIэу Адыгеим и ЛIышъхьэу КъумпIыл Мурат Урысые об­щественнэ организациеу «Хьафизэхэм я Уры­сые обществэ» и Адыгэ республикэ къутамэ итхьаматэу Нэхэе Рус­лъан IукIагъ.

Дэеу зылъэгъухэрэм медикэ-социальнэ IэпыIэгъу ягъэгъо­тыгъэным, ахэм яобъеди­нениехэр хэбзэ къулыкъухэм зэрадэлажьэхэрэм япхыгъэ Iофыгъохэм атегущыIагъэх. Iоф­тхьабзэм хэлэжьагъэх Адыгэ Республикэм и Премер-министрэ игуадзэу Наталья Широковамрэ Адыгэ Респуб­ликэм Iоф­шIэнымкIэ ыкIи со­циальнэ хэ­хъоныгъэмкIэ ими­нистрэу Мырзэ Джанбэчрэ.

Республикэм щызэрахьэрэ социальнэ политикэм диштэу сэкъатныгъэ зиIэхэм яобщест­веннэ организациехэм IэпыIэгъу ягъэгъотыгъэныр анахьэу мэхьанэ зэратырэ лъэныкъохэм зэращыщыр республикэм и ЛIышъхьэ къыхигъэщыгъ.

«Зипсауныгъэ пыч фэхъу­гъэ­хэм япсауныгъэ зыпкъ игъэуцо­жьыгъэнымкIэ, Iоф ашIэнымкIэ ищыкIэгъэ амалхэр щыIэнхэм тэркIэ мэхьанэшхо иI. Сэкъатныгъэ зиIэхэм ящыIэкIэ-псэукIэ зыкъегъэIэтыгъэнымкIэ Урысые общественнэ организациеу «Хьафизэхэм я Урысые обществэ» хэбзэ къулыкъухэм зэдэлэжьэныгъэу адыриIэм зызэрэригъэу­шъомбгъурэр дэгъу», — хи­гъэунэфыкIыгъ КъумпIыл Мурат.

Республикэм ипащэ дэеу зы­лъэгъухэрэм яфэныкъуагъэхэм ренэу ынаIэ зэратыригъэтырэм фэшI зэрэфэразэр Нэхэе Руслъан риIуагъ. Ащ зэрэхигъэу­нэфыкIыгъэмкIэ, хьафизэхэм я Адыгэ республикэ организациеу нэбгырэ миным ехъу зыхэтым районхэм ащыIэхэу 5 хэхьэ. Къэралыгъо программэу «Сэ­къатныгъэ зиIэхэу Адыгэ Рес­публикэм исхэм социальнэ IэпыIэгъу ягъэгъотыгъэныр» зыфи­Iорэм къыдыхэлъытагъэу хьафи­зэхэм я Урысые обществэ хэтхэм амал яI Урысыем ишъо­лъыр зэфэшъхьафхэм ащызэхащэрэ реабилитационнэ Iофтхьабзэхэм ахэлэжьэнхэу. Социальнэ мэхьанэ зиIэ, спортивнэ, культурнэ Iофтхьабзэхэм язэхэщэн пае мыгъэ Адыгэ Республикэм ими­нистрэхэм я Кабинет иIэпэчIэгъэнэ фонд сомэ мин 764-м ехъу къыхагъэкIыгъ.

Дэеу зылъэгъухэрэм атегъэ­псыхьэгъэ техническэ амалхэу федеральнэ спискэм хэмыхьагъэ­хэр ращэфынхэм, реабилитационнэ гупчэхэм анэсынхэм апае республикэм ибюджет ренэу мылъку къызэрэхагъэкIырэр зэ­IукIэгъум щыхагъэунэфыкIыгъ. Программэу «ЩыIэкIэ Iэрыфэгъу» зыфиIорэм къыдыхэлъы­тагъэу республикэм зэхъокIыныгъэшIоу къыщыхъугъэхэми шъхьа­фэу атегущыIагъэх.

«Республикэм ихэбзэ Iэшъхьэ­тетхэм лъэшэу тафэраз ренэу тиIофыгъохэм зэрагъэгумэкIы­хэрэм фэшI, тапэкIи тизэдэлэ­жьэныгъэ лъыдгъэкIотэнэу тэ­гугъэ. Тиорганизацие хэтхэм обществэм федэ къыфахьы ашIоигъу, республикэм исоциальнэ, икультурнэ, испортивнэ щыIэныгъэ ахэр чанэу хэла­жьэх», — къыIуагъ Нэхэе Руслъан.

Адыгеим и ЛIышъхьэ Адыгэ Республикэм IофшIэнымрэ социальнэ хэхъоныгъэмрэкIэ иминистрэ пшъэрылъ фишIыгъ хьафизэхэм я Дунэе мафэ фэ­гъэхьыгъэ Iофтхьабзэхэм язэхэщэнкIэ ищыкIэгъэ амалхэр зэрихьанхэу. Джащ фэдэу КъумпIыл Мурат пшъэрылъ афишIыгъ Iофтхьабзэу «Бэщ фыжь» зыфиIорэм къыдыхэлъытагъэу со­циальнэ IэпыIэгъоу арагъэгъотырэр агъэлъэшынэу, дэеу зы­лъэгъухэу шъоущыгъу узым ыгъэгумэкIыхэрэм Iэзэгъу уцхэр нахьышIоу аIэкIагъэхьанэу, фэгъэкIотэныгъэ яIэу дэеу зылъэгъухэрэр муниципалитетхэм ащызэращэнхэмкIэ ищыкIэгъэ амалхэр зэрахьанхэу. АР-м и ЛIышъхьэ ипресс-къулыкъу