Урысые Федерацием псауныгъэр къэухъумэ­гъэнымкIэ и Министерствэ иунашъокIэ, пан­демием илъэхъан медицинэ IэпыIэгъур Iэры­фэгъу хъуным пае пэтхъу-Iутхъур къы­зэузыхэрэм зыщяIэзэщтхэ гупчэу охътэ гъэнэфагъэрэ Iоф зышIэщтыр шэкIогъум и 5-м къызэIуахыгъ. Ар Мыекъуапэ щыпсэу­хэ­рэм апай.Гупчэр зыдэщыIэр: урамэу Победэм иунэу 30. Пэтхъу-Iутхъум инэшанэ зиIэр эпидемио­логие бригадэм емыжэу ежь-­ежьырэу мыщ къэкIон ылъэ­кIыщт. Гупчэм зыкъыфэзыгъэзэрэ пстэуми врач-терапевтыр ­яплъыщт, ищыкIэгъэ Iэзэгъур къафитхыщт, коронавирусым инэшанэхэр иIэу зэгуцафэхэрэм мы чIыпIэм анализыр щы­Iахыщт.

Амбулаторнэ IэпыIэгъум игупчэ Iоф зэришIэщтыр: Iоф­шIэгъу мафэхэм сыхьатыр

8-м къыщегъэжьагъэу 16-м нэс, зыгъэпсэфыгъо мафэхэм сменитIоу лэжьэщт. Сыхьатыр 13 — 14-хэм санитарнэ фэIо-фа­шIэхэр щызэрахьэх.

(Тикорр.).