Япчъагъэ нахьыбэ хъугъэ
Ящэнэрэ сабыир къызыхъукIэ къатырэ ахъщэ IэпыIэгъур къызIэкIэхьэгъэ унагъохэм япчъагъэ республикэм щыхэхъуагъ.
ЗАГС-м къызэритырэмкIэ, 2020-рэ илъэсым шэкIогъум и 6-м ехъулIэу Адыгэ Республикэм сабый 3478-рэ къихъухьагъ, ахэм ащыщэу ящэнэрэ е ащ къыкIэлIыкIорэр нэбгырэ 1145-рэ мэхъу. БлэкIыгъэ илъэсым егъэпшагъэмэ, мыгъэ 188-кIэ нахьыб.
Непэрэ мафэм ехъулIэу, зэтыгъо тынэу ящэнэрэ е ащ къыкIэлъыкIорэ сабыйхэм къаратырэр унэгъо 996-мэ агъэфедагъ (лъэпкъ проетым къыгъэуцурэ къэгъэлъэгъоныр нэбгырэ 1030-рэ). Ар блэкIыгъэ илъэсым егъэпшагъэмэ процент 69-кIэ нахьыб.
Сомэ мин 50 къызэратыхэрэр 2012-рэ илъэсым щылэ мазэм и 1-м къыщегъэжьагъэу ящэнэрэ е ащ къыкIэлъыкIорэ сабыйхэр къызыфэхъугъэхэр (ыIыгъынэу къаIызыхыгъэхэр) ары.
Лъэпкъ проектэу «Демографием» къыдыхэлъытэгъэ шъолъыр проектэу «Финансовая поддержка семей при рождении детей» зыфиIорэр зыфэгъэхьыгъэр сабый къызэрыхъухьэгъэ унагъохэм IэпыIэгъу афэхъугъэныр ары.
Абрэдж Сэтэнай.