ШэкIогъум и 10-р — Урысые Федерацием хэгъэгу кIоцI IофхэмкIэ икъулыкъухэм яIофышIэ и Маф
Хэгъэгу кIоцI IофхэмкIэ къулыкъухэм яIофышIэхэу, яветеранхэу лъытэныгъэ зыфэтшIыхэрэр!
Шъуисэнэхьат епхыгъэ мэфэкIым фэшI тышъуфэгушIо!
Сыд фэдэрэ къэралыгъокIи хэбзэухъумэкIо къулыкъухэм мэхьанэшхо яI. Хэгъэгу кIоцI IофхэмкIэ къулыкъухэм цIыфхэм ящынэгъончъагъэрэ ярэхьатны- гъэрэ къызэраухъумэхэрэм дакIоу тиреспублики, хэгъэгуми яхэхъоныгъэ яIахьышIу хашIыхьэ.
Адыгеим хэгъэгу кIоцI IофхэмкIэ икъулыкъухэм яIофышIэхэр еIолIэнчъэу япшъэрылъ зэрагъэцакIэрэмкIэ, цIыфхэм IэпыIэгъу афэхъуным ренэу зэрэфэхьазырхэмкIэ, якъулыкъу гъэхъагъэхэр зэрэщашIыхэрэмкIэ сыдигъуи къахэщыщтыгъэх.
IэпэIэсэныгъэшхо зэрахэлъым, Iофэу къыхахыгъэм зэрэфэшъыпкъэхэм, общественнэ-политикэ, социальнэ-экономикэ зыпкъитыныгъэр республикэм къыщыухъумэгъэным яIахь зэрахашIыхьэрэм афэшI хэгъэгу кIоцI IофхэмкIэ къулыкъухэм яIофышIэхэми, яветеранхэми ямэфэкI мафэ ехъулIэу тхьашъуегъэпсэу ятэIо.
ШIэныгъэу, опытэу шъуиIэр шъуипшъэрылъхэм ягъэцэкIэнкIэ икъоу къызэрэзфэжъугъэфедэщтхэм, Адыгэ Республикэм хэгъэгу кIоцI IофхэмкIэ и Министерствэ иподразделениехэм ащызэрахьэрэ Iофхэм тапэкIи чанэу шъузэрахэлэжьэщтым тицыхьэ телъ.
Псауныгъэ пытэрэ щыIэкIэшIурэ шъуиIэнэу, мамырэу шъупсэунэу, шIум шъущымыкIэнэу, шъуикъулыкъу гъэхъэгъакIэхэр щышъушIынэу тышъуфэлъаIо!
Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожный