Хъулъфыгъэм лъэхъух
Мы илъэсым чъэпыогъум и 29-м, сыхьатыр 13.35-м адэжь, Урысыем хэгъэгу кIоцI IофхэмкIэ и Министерствэ иотделэу Мыекъуапэ щыIэм идежурнэ часть къэбар къыIэкIэхьагъ маршрутнэ таксим иводительрэ ащ исыгъэ хъулъфыгъэмрэ азыфагу зэмызэгъыныгъэ къызэритэджагъэр.
Мы чIыпIэм къэсыгъэ следственнэ-оперативнэ купым пэшIорыгъэшъэу зэригъэунэфыгъэмкIэ, цIыфхэр зезыщэрэ маршруткэм иводитель автотранспортым къитIысхьагъэхэм ащыщым узыухъумэрэ пкъыгъор ыгъэфедэнэу риIуагъ.
Хъулъфыгъэр маршруткэм икIыжьи, шъхьангъупчъэр зэрэIухыгъэр къызфигъэфедэзэ водителым шъэжъыекIэ ыплIэIу дэжькIэ хэпыджагъ.
Шъобж зытыращагъэр сымэджэщым нагъэсыгъ, апэрэ медицинэ IэпыIэгъури рагъэгъотыгъ.
Хэбзэгъэуцугъэр зыукъуагъэр гъэунэфыгъэным ыкIи ар къэубытыгъэным фытегъэпсыхьэгъэ Iофтхьабзэхэр хэбзэухъумэкIо къулыкъухэм рагъэкIокIых. Видеокамерэхэм ыкIи автомобиль регистраторхэм тыратхагъэхэр зэрагъашIэ, хъугъэ-шIагъэм рихьылIэгъэ цIыфхэм яупчIых. Мыщ лъапсэу фэхъугъэр агъэунэфы.