Илъэс 68-рэ хъугъэ
Вневедомственнэ ухъумэныр зызэхащагъэр илъэс 68-рэ зэрэхъугъэм фэгъэхьыгъэ мэфэкI зэхахьэ Мыекъуапэ щыкIуагъ.
Урысые гвардием иподразделение хэтхэм ясэнэхьат епхыгъэ мэфэкIымкIэ афэгушIуагъэх Урысые гвардием и ГъэIорышIапIэу Адыгэ Республикэм щыIэм ипащэу Иван Гричановыр ыкIи вневедомственнэ ухъумэнымкIэ республикэ отделым ипащэу Андрей Власовыр.
— Подразделениер зызэхащагъэр илъэс 68-рэ зэрэхъугъэм тарихъ мэхьанэ иI. Лъэпкъ гвардием хэхьэрэ структурэхэм мыр ащыщ ыкIи иIофшIэн шIуагъэу къыхьырэр уахътэм щаушэтыгъ. Щытхъу хэлъэу къулыкъур зэрэжъугъэцакIэрэмкIэ сышъуфэраз. ТапэкIи шъуипшъэрылъхэр зэрифэшъуашэм тетэу зэрэзэшIошъухыщтхэм сицыхьэ телъ, — къыIуагъ Иван Гричановым.
Iофтхьабзэм икIэух къахэщыгъэ IофышIэхэм щытхъу ыкIи рэзэныгъэ тхылъхэр, шIухьафтын лъапIэхэр аратыгъэх.