УФ-м и Президент игукъэкIкIэ мыгъэ Iоны­гъом и 1-м къыщегъэжьагъэу еджапIэхэм Iоф ащызышIэрэ кIэлэегъаджэхэу класснэ зещэн зиIэхэм хэушъхьафыкIыгъэ ахъщэ тедзэу со­мэ мини 5 зырыз аратыщт.

Ащ дакIоу ыпэкIэ шъолъыр ахъщэу къаратыщтыгъэр зэкIэ къафэнэ. Адыгэ Республикэм кIэлэегъэджэ 2600-м ехъумэ класснэ зещэным пае мазэ къэс ыпэкIэ зигугъу къэтшIыгъэ тыныр къараты.

Мыщ пэIухьанэу федеральнэ бюджетым сомэ миллион 74,4-рэ Адыгеим къыфитIупщыгъ. Апэрэ ахъщэ тыгъор Iоныгъо мазэм кIэлэегъаджэхэм ара­тыгъ. Къыхэгъэщыгъэн фае ты­ныр къэзылэжьырэмэ ар мазэ къэс къазэраIэкIахьэрэр.

АР-м гъэсэныгъэмрэ шIэныгъэмрэкIэ и Министерствэ къы­зэритырэмкIэ, классым ис кIэлэеджэкIо пчъагъэм емы­лъытыгъэу сомэ мини 5 кIэ- лэегъаджэ пэпчъ къыратыщт. Зы кIэлэегъаджэм класситIу е нахьыбэ ыIыгъыми, тынитIу нахьыбэ ратын фитыщтхэп.

(Тикорр.).