Лъэпкъ проектэу «Демография» зыфиIорэм къыгъэуцурэ пшъэрылъхэр гъэцэкIагъэ хъунхэм фэшI Адыгеим Iофыгъо гъэнэфагъэхэр щызэшIуахых.

ЦIыфхэм социальнэ фэIо-фашIэхэр защафагъэцакIэрэ гупчэу Мыекъуапэ дэтым къыщызэIуахыгъэ волонтер гупчэм ащ фэдэ пшъэрылъ зэшIуехы. «Волонтеры серебряного возраста» зыфиIорэ апэрэ шъолъыр гупчэм зыныбжь хэкIотагъэхэр ары щызэIукIэщтхэр.

— УрысыемкIэ волонтер Iоф­шIэным ныбжьыкIэхэр нахь фэгъэзагъэх, ау зыныбжь хэкIотагъэхэри мыщ чанэу къыхэлажьэх. Пенсием щыIэ цIыфхэм ыпэкIэ зигугъу къэтшIыгъэ лъэныкъом мэхьанэшхо раты, ящыIэныгъэ щыщ хъугъэ тIоми хэукъуагъэ хъущтэп, — къыщыхагъэщыгъ Адыгэ Рес­публикэм IофшIэнымкIэ ыкIи социальнэ хэхъоныгъэмкIэ и Министерствэ.

Непэрэ мафэм къызэригъэлъагъорэмкIэ, пенсием щыIэ цIыфхэр чаных ыкIи гукъэкIэу яIэр бэ. Ахэр волонтер движением хэлажьэхэ зыхъукIэ, опытэу щыIэныгъэм аригъэгъотыгъэр къагъэлъэ­гъон, япсэукIэ нахьышIу ашIын алъэкIы. Социальнэ фэIо-фашIэхэр зыгъэцэкIэрэ учреждениехэм ахэр IэпыIэгъушхо афэхъунхэ алъэкIыщт.

Абрэдж Сэтэнай.