Адыгэ Республикэм и Къэралыгъо Совет — Хасэм и 55-рэ зэхэсыгъо видеоконференцие шIыкIэм тетэу 2020-рэ илъэсым чъэпыогъум и 28-м зэхащэщт.

Зэхэсыгъом зыщахэплъэщтхэм мыщ къыкIэлъыкIорэ Iофыгъохэр ахагъэхьагъэх: законопроектхэу «Адыгэ Республикэм изаконхэу «Муниципальнэ образованием ипащэ ихэдзын ехьылIагъ», «Адыгэ Республикэм и Къэралыгъо Совет — Хасэм идепутатхэм яхэдзын ехьы­лIагъ», «Муниципальнэ образованием илIыкIо къулыкъу идепутатхэм яхэдзын ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэ­хэм» ятIонэрэу ахэплъэгъэныр; законопроектхэу «2019-рэ илъэ­сымкIэ Адыгэ Республикэм иреспубликэ бюджет зэрагъэцэкIагъэм ехьылIагъ», «Адыгэ Республикэм и Законэу «Урысые Федерацием и Генеральнэ прокурор итхылъэу Адыгэ Рес­публикэм и Прокурор IэнатIэ Iуагъэхьащтым ехьылIагъэм къызэрэдырагъэштэрэ шIыкIэм фэгъэхьыгъэм» кIуачIэ имыIэ­жьэу лъытэгъэным ехьылIагъ», «Адыгэ Республикэм ибюджет зыфыщыкIэрэ мылъкум щыщ игъэкъужьыгъэнымкIэ федеральнэ бюджетым ичIыфэхэр Адыгэ Республикэм ибюджет къызэрэфагъэкIощтхэм фэгъэхьыгъэ зэзэгъыныгъэхэр ухэсыгъэнхэм ехьылIагъ», «Адыгэ Республикэм и Законэу «Никотин зыхэлъ продукциер зыныбжь имыкъугъэхэм розничнэу ящэгъэным- кIэ гъунапкъэхэр гъэнэфэгъэнхэм ехьылIагъэм» кIуачIэ имы­Iэжьэу лъытэгъэным фэгъэ­хьыгъ» зыфиIохэрэм апэрэу ахэплъэгъэныр; «Адыгэ Респуб­ликэм изаконхэу «Административнэ хэбзэукъоныгъэхэм яхьылIагъ», «Адыгэ Республикэм щыпсэурэ цIыф куп заулэмэ социальнэ IэпыIэгъу ягъэгъотыгъэным ехьылIагъ», «Адыгэ Республикэм иныбжьыкIэхэм къэралыгъо IэпыIэгъу ятыгъэным ехьылIагъ», «Физическэ культурэмрэ спортымрэ яхьы­лIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэхэр ыкIи нэмыкI Iофыгъохэр.

Зэхэсыгъор сыхьатыр 10-м рагъэжьэщт.

Адыгэ Республикэм и Къэралыгъо Совет – Хасэм и Тхьаматэу Владимир Нарожный