Роспотребнадзорымрэ порталэу Стопко­ро­навирус.рф зыфиIорэмрэ зыныбжь илъэс 60-м шъхьадэкIыгъэхэм коронавирусыр къя­мыу­тэлIэнымкIэ зэрэзекIонхэ фаем фэ­гъэ­хьыгъэ видеороликыр зэхагъэуцуагъ.

Анахьэу зыныбжь хэкIота­гъэхэмкIэ коронавирусыр зэ­рэщынагъор Роспотребнадзорым шъугу къегъэкIыжьы. Шъуи­псауныгъэ зэтемыз шъушIои­гъомэ шэпхъэ къызэрыкIохэм шъуарыгъуаз. ЦIыфхэр жъугъэу зыщызэIукIэрэ чIыпIэхэм защы­шъуухьэмэ, нахь макIэрэ об­­­щественнэ транспортым шъуи­тIысхьэмэ нахьышIу. Тучанхэм, транспортым, банкхэм, МФЦ-м нэгуихъо ащышъуIулъын, Iалъэ ащышъупылъын фае. Шъуигу­псэхэм гъомылапхъэхэр къя­жъугъэщэф е Iэзэгъу уцыр къяжъугъэхь. СатыушIыпIэхэм е нэмыкI чIыпIэхэм шъуакъызырыкIыжькIэ шъуIэхэр сабынкIэ бэрэ шъутхьакI. ШъуIэ шIойкIэ нэгум шъуемыI. Шъупскэ е шъукъэпс зыхъукIэ шъуIупэ сал­феткэ е IэпэIэплъэкI Iушъуубыт. Унэм ит пкъыгъоу шъузынэсхэрэр дезинфекцие шъушIы. ШъукъызыгъойщаекIэ е температурэр къызыдэ­кIуаекIэ врачыр унэм къежъугъэблагъ. Тхьэм псауныгъэ къышъует!