Роспотребнадзорым шъугу къегъэкIыжьы уз­хэр зэпамыхынхэмкIэ цIыфхэм зызэрау­хъу­мэрэ амалэу нэгуихъор зэрэщытыр. ОРВИ-ми, жьыкъэщапIэхэм къяутэлIэрэ нэмыкI уз­хэми шъуIэпкъ-лъэпкъ ащ ащеухъумэ.

Роспотребнадзорымрэ порталэу Стопкоронавирус.рф зыфиIорэмрэ роликэу зэхагъэу­цуагъэр нэгуихъор зэрагъэфедэрэ шIыкIэм фэгъэхьыгъ.

Нэгуихъом цIыфэу пскэрэм е къэпсырэм ыпэпс е ыIупс хэлъын ылъэкIыщт вирусхэм адрэхэр ащеухъумэх. НэмыкI амалхэри агъэфедэхэмэ (аIэхэр бэрэ атхьакIхэмэ, пкъыгъо­хэм ателъэкIыхьэхэмэ, метрэ пчъагъэу азыфагу дэлъын фаер къыдалъытэмэ) ары ныIэп ащ шIуагъэ къызитырэр.

Нэгуихъо аIулъ зыхъукIэ вирусэу жьым хахьэрэр нахь макI ыкIи цIыфхэм узыр зэпамыхыным ищынагъуи нахь къеIыхы. Сымаджэхэм медицинэ IэпыIэгъу языгъэгъотыхэрэми, ахэм къадекIокIыхэрэми маскэ аIу­лъын фае. Зипсауныгъэ зэ­щымыкъуагъэхэм общественнэ транспортым зитIысхьэхэкIэ, цIыфхэр бэу зыдэщыIэ чIыпIэм зыкIохэкIэ ары ар загъэфедэн фаер.

СыхьатитIу-щы тешIэ къэс нэ­гуихъор зэблахъунэу щыт. Меди­цинэ маскэхэу шэкIым хэ­мы­шIыкIыгъэхэр ыкIи агъэфе­дэ­жьыным фытемыгъэпсыхьагъэ­хэр пакет шъхьафым ралъхьанхэ, ащ ышъхьэ шIуапхыкIынышъ хэкIыр зэрылъым радзэн фае.