ИщыкIагъэмэ унэм къэкIощтых
Шъолъыр проектэу «Старшее поколение» зыфиIорэм къызэрэщыдэлъытагъэм тетэу, Адыгеим Iоф щызышIэрэ МФЦ-м яспециалистхэр нэжъ-Iужъхэм адэжь кIохэзэ фэIо-фашIэу ящыкIагъэхэр афагъэцакIэх.
— Къэралыгъо ыкIи муниципальнэ фэIо-фашIэ горэ зищыкIагъэм ыдэжь къэкIонхэу лъэIу тхылъ ытын ылъэкIыщт. Апэрэ ыкIи ятIонэрэ купхэм ахахьэрэ сэкъатныгъэ зиIэхэм ыкIи нэжъIужъэу зыныбжь илъэс 80-м ехъугъэхэм ыпкIэ хэмылъэу ар афагъэцакIэ, — къыщаIуагъ АР-м IофшIэнымкIэ ыкIи социальнэ хэхъоныгъэмкIэ и Министерствэ.
Тинахьыжъхэу мы уахътэм цIыфхэм ахахьэ мыхъущтхэм, унэм исын фаехэм япсэукIэ нахьышIу шIыгъэныр ары ащ фэдэ IэпыIэгъур къызкIапагъохырэр. ЦIыфэу ыныбжь е ипсауныгъэ изытет апкъ къикIыкIэ зекIоныр къызфэкъинхэм мыр ящыкIэгъэ дэд.
Илъэсэу тызыхэтыр къызихьагъэм къыщыублагъэу МФЦ-м яспециалистхэм ащ фэдэ шIыкIэм тетэу гъогогъуи 130-рэ фэIо-фашIэхэр афагъэцэкIагъэх.