Урысыем и Рос­потребнадзор эпиде­миологиемкIэ игупчэ ипащэ игуадзэу Наталья Пшеничнаям къызэриIуа­гъэмкIэ, къэкIощт мэфи 10 — 20-м къыкIоцI коронавирусым изыушъомбгъун нахь зыпкъ иуцонэу щэгугъых.

— Iоныгъом ыкIэм ыкIи чъэпыогъум икъихьагъу гъунэпкъэ гъэнэфагъэхэр зэрагъэуцугъэхэм яшIуагъэкIэ мэфи 10 — 20-м къыкIоцI узыр къызэуалIэхэрэм япчъа­гъэ нахь макIэ хъун ылъэкIыщт, — еIо ащ.

Джащ фэдэу, Наталья Пшеничнаям къызэриIуагъэмкIэ, Урысыем щыпсэухэрэм пэшIорыгъэшъ Iофтхьабзэхэр зэрахьанхэм нахь хэшIыкI фыряIэ ыкIи зыфэсакъыжьхэ хъугъэх. Ащ дакIоу Iоф зышIэхэрэм янахьыбэр пэIудзыгъэ шIыкIэм тырагъэхьагъ, кIэлэеджакIохэм зыгъэпсэфыгъо те­дзэхэр аратыгъэх.

Узым зимыушъомбгъуным мы амалхэр фэIорышIэнхэу щыт, ау кIэухыр зэу къэлъэгъощтэп. Сыда пIомэ, COVID-19-р зэрагъэхъужьырэм ипIалъэ кIыхьэ. А пIалъэм фэди 1,5-рэ уежэн фае коронавирусым изыушъомбгъун зыпкъ иуцоным пае.