Гъэсэныгъэм ылъэныкъокIэ
Адыгеим щеджэрэ нэбгырэ 1472-мэ тыгъосэрэ мафэм ехъулIэу зэпэчыжьэ егъэджэным иамалхэмкIэ гъэсэныгъэ зэрагъэгъоты.
Ар зыпкъ къикIыгъэр зэпахырэ узыкIэу ковидыр е кIэлэеджакIом, е кIэлэегъаджэм къызэрахагъэщыгъэр ары. Республикэм иеджэпIэ 26-мэ якласс 56-рэ зигугъу къэтшIыгъэ пчъагъэр къэзыгъэпсырэр (Мыекъуапэ, Адыгэкъал, Джэджэ, Красногвардейскэ, Мыекъопэ ыкIи Тэхъутэмыкъое районхэмкIэ).
Джащ фэдэу АдыгеимкIэ икIэлэцIыкIу IыгъыпIитIоу Мыекъуапэ дэтхэм ащыщхэр зэфашIыгъэх, Мыекъуапэ, Кощхьэблэ, Красногвардейскэ, Шэуджэн ыкIи Мыекъопэ районхэм якIэлэцIыкIу IыгъыпIи 8-мэ якупи 9-мэ Iоф ашIэрэп.