Инсультым пэуцужьыгъэным и Дунэе мафэ къыдыхэлъытагъэу икIыгъэ тхьамафэм къыкIоцI медицинэ профилактикэмкIэ республикэ гупчэм уплъэкIун Iофтхьабзэхэр ригъэкIокIыгъэх.

Мыщ къыхагъэлэжьагъэх неврологхэр, кардиологхэр, медицинэ академием истудентхэр.

Мыр анахьэу зыфэгъэхьыгъэр гу-лъынтфэ узхэм апкъ къикIыкIэ зидунай зыхъожьыхэрэм япчъагъэ нахь макIэ шIыгъэныр, ащкIэ цIыфхэм анахьэу анаIэ зытырагъэтын фэе лъэныкъохэр ягъэшIэгъэнхэр ары.

«Пчъэ зэIухыгъэхэм ятхьамафэ» къыдыхэ­лъытагъэу шIоигъоныгъэ зиIэ пстэуми ялъыдэкIуае зыфэдизыр, ялъэгагъэ, къащэчырэр зэрагъэшIэн, лабораторнэ уплъэкIунхэр, кардио­визорымкIэ гум искрининг арагъэшIын амал яIагъ. Джащ фэдэу терапевтым, медицинэ психологым, кардиологым, неврологым зыгъэгумэкIырэ упчIэхэр афагъэзэнхэ алъэ­кIыгъ.

ъэм зэрар езыхыщт шIыкIэхэр щыгъэзыегъэнхэм фэIорышIэрэ унашъохэр, тэрэзэу зэрэшхэщтхэр, инсультыр къэмыгъэхъугъэным пае зэшIуахын фаехэр зэрытхэгъэ тхьапэхэр тхьамафэм къыкIоцI гупчэм щагощыгъэх.

ПстэумкIи нэбгырэ 81-рэ ауплъэкIугъ. Ахэм къахагъэщыгъэх: нэбгырэ 51-мэ — лъыдэкIуаер, 38-мэ — холестериныр бэу алъ хэлъэу, 11-мэ — шъоущыгъур бэу, 29-мэ — къащэчырэр бэу. къяолIэгъэ сымаджэхэм зэкIэми тапэкIэ ме­дицинэ уплъэкIунэу лъагъэкIотэн фаехэр ыкIи ящыкIэгъэ Iэзэгъухэр араIуагъэх.

Чъэпыогъу мазэр екIыфэ медицинэ профилактикэмкIэ гупчэм иIофышIэхэм инсультым пэуцужьыгъэным епхыгъэ Iофтхьабзэхэр зэхащэщтых. ПэшIорыгъэшъ Iофтхьабзэхэм къадыхэ­лъытагъэу республикэм иIофшIапIэхэр, гъэсэныгъэм иучреждениехэр, псауныгъэм и Гупчэ къакIухьащтых.

Iэшъынэ Сусан.