Хъулъфыгъэм IэпыIэгъу фэхъугъэх
Адыгеим и Лъэпкъ гвардие икъулыкъушIэхэм илъэс 52-рэ зыныбжь хъулъфыгъэм апэрэ медицинэ IэпыIэгъу рагъэгъотыгъ.
Тэхъутэмыкъое районымкIэ вневедомственнэ ухъумэным иIофышIэ куп поселкэу Яблоновскэм къулыкъур щахьызэ, гузэжъогъу зэрэхэфагъэр къыхэщэу хъулъфыгъэ горэ къакIэрыхьагъ. Ащ къызэриIуагъэмкIэ, иIофшIэгъу ипшъэрылъхэр ыгъэцакIэхэзэ амышIэрэ пкъыгъохэм къапыкIыгъэ жьы шIоир къыщагъ ыкIи иакъыл щыуагъ.
КъулыкъушIэхэр псынкIэу а чIыпIэм нэсыгъэх ыкIи ищыкIэгъэ зекIуакIэхэр зэрахьагъэх. Автомобиль кIапсэм хъулъфыгъэр къыпашIи къырахыгъ.
IэпыIэгъу псынкIэр къэсыфэ емыжэхэу, полицием ипрапорщикэу Теуцожь Муратрэ сержантэу Джамырзэ Рустамрэ апэрэ медицинэ IэпыIэгъур хъулъфыгъэм рагъэгъотыгъ. Нэужым медицинэм иIофышIэхэу къэкIуагъэхэм сымаджэр аратыгъ.