Къэбэртэе-Бэлъкъар Республикэм и ЛIышъхьэ Адыгеим щыпсэухэрэм ямэфэкIкIэ къафэгушIуагъ.
КIокIо Казбек Адыгеир загъэпсыгъэм и МафэкIэ республикэм щыпсэухэрэмрэ и ЛIышъхьэу КъумпIыл Муратрэ Инстаграм нэкIубгъомкIэ къафэгушIуагъ.
— Адыгеим щыпсэухэрэмрэ республикэм и ЛIышъхьэу КъумпIыл Муратрэ мэфэкIымкIэ сыгу къыздеIэу сафэгушIо.
Адыгэ Республикэм ичIыопс ихьалэмэтыгъэ, итарихъ, икультурэ ябаиныгъэ, шэн-хэбзэ дахэу щызэрахьэрэмкIэ Урысыем икъыблэ дышъэ кIэнэу иI.
ЗекIоным, мэкъу-мэщым, промышленностым чанэу хэхъоныгъэхэр республикэм щашIы, социальнэ лъэныкъом мэхьанэшхо щыраты, аужырэ шапхъэхэм адиштэрэ инфраструктурэ щыгъэпсыгъэным пылъых. Адыгеим и ЛIышъхьэу КъумпIыл Мурат ихьатыркIэ ыкIи цIыфэу щыпсэухэрэм ягуетыныгъэкIэ ахэр зэкIэ гъэцэкIагъэ мэхъух.
Непэрэ мафэм ткъош республикэу Адыгеим щыпсэухэрэм псауныгъэ пытэ ыкIи насып дахэ яIэу тапэкIэ хэхъоныгъэхэр ашIынэу сафэлъаIо, — къыщеIо тхыгъэм.
(Тикорр.).