Чъэпыогъум и 6-м сыхьатыр 10-м ехъулIэу зэпахырэ узэу коронавирусыр Адыгеим щыпсэурэ нэбгырэ 4348-мэ къахагъэщыгъ.

Ахэм ащыщэу нэбгырэ 661-мэ яIазэх (чэщ-зымафэм нэбгырэ 40 хэхъуагъ), хъужьыгъэр — 3651-рэ (чэщ-зымафэм 23-рэ хэхъуагъ), зидунай зыхъожьыгъэр нэбгырэ 36-рэ (зи хэхъуагъэп).

Госпиталым чIэлъыгъэ Адыгэкъалэ щыщ хъулъфыгъэу 1951-рэ илъэсым къэхъугъэм идунай ыхъожьыгъ. Лабораторнэ ушэтынхэм къызэрагъэлъэгъуагъэмкIэ, ащ лъапсэу фэхъу­гъэр зэпахырэ узэу коронавирусыр ары.

Нэбгырэ 4348-р республикэм имуниципалитетхэм атегощагъэу:

— Мыекъуапэ — 1444-рэ, — Тэхъутэмыкъое районыр — 799-рэ, — Красногвардейскэ районыр — 488-рэ, — Мыекъопэ районыр — 423-рэ, — Теуцожь районыр — 342-рэ, — Адыгэкъалэ — 337-рэ, — Кощхьэблэ районыр — 246-рэ, — Шэуджэн районыр — 148-рэ, — Джэджэ районыр — 121-рэ.

Непэрэ мафэм ехъулIэу Адыгеим икIэлэ­еджэкIо 1192-рэ Iудзыгъэ шIыкIэм тетэу рагъа­джэх. Джащ фэдэу Мыекъуапэрэ Шэуджэн районымрэ арыт кIэлэцIыкIу IыгъыпIи 2 зэфашIыгъэх. Мыщ фэдэ учреждении 10-мэ ащаIыгъ купи 10 агъэтIысыгъэх.