Урысые Федерацием и Федеральнэ ЗэIукIэ ФедерациемкIэ и Совет и Тхьаматэ ителеграмм Адыгэ Республикэм и ЛIышъхьэу М. Къ. КъумпIылымрэ Адыгэ Республикэм и Къэралыгъо Совет — Хасэм и Тхьаматэу В. И. Нарожнэмрэ афэкIо

Лъытэныгъэ зыфэсшIырэ Мурат Къэралбый ыкъор!

Лъытэныгъэ зыфэсшIырэ Владимир Иван ыкъор!

Шъори, зэкIэ Адыгеим щыпсэухэрэми Адыгэ Республикэм и МафэкIэ сышъуфэгушIо!

ЛIэшIэгъу пчъагъэхэм къазэпырихыгъэ ишэн-хэбзэ дахэхэмкIэ ыкIи итарихъ байкIэ Адыгеим щытхъу къызыфихьыжьыгъ. Ащ илъэгъупхъэ чIыопс чIыпIэхэр, лъэшэу къагъэгъу­нэрэ чIыопс чIыпIэхэу ЮНЕСКО-м идунэе кIэн хахьэхэрэри ахэм зэрахэтхэу, археологиемрэ архитектурэмрэ ясаугъэт хьалэмэтхэр Урысыем щыпсэурэ лъэпкъ пстэуми зэдыряунэе мылъкоу щытых, ахэм лъэшэу арэгушхох.

Урысые Федерацием исубъект теубытагъэ хэлъэу непэ хэхъоныгъэхэр ешIы. Агропромышленнэ комплексым ипредприятиехэмрэ псэолъэшIынымрэ шIуагъэ къатэу Iоф ашIэ, индустриальнэ паркэу «Ромекс-Теучежский» зыфиIорэр зэхащагъ, инвестициехэр нахьыбэу къахалъхьаным, предпринимательствэм зегъэушъомбгъугъэным лъэшэу анаIэ тырагъэты.

Адыгэ Республикэм икъэралыгъо хэбзэ къулыкъухэм социальнэ мэхьанэ зиIэ проектхэм япхырыщынкIэ, цIыфхэм ящыIэкIэ-псэукIэ зыкъегъэIэтыгъэнымкIэ бэ ашIэрэр.

Хэгъэгум ыпашъхьэ ит пшъэрылъхэм язэшIохын республикэм иIахьышIу тапэкIи зэрэхишIыхьащтым сицыхьэ телъ.

Мамырэу шъупсэунэу, шIур ренэу шъуигъогогъунэу, гъэхъэгъакIэхэр шъушIынэу сышъу­фэлъаIо!

Урысые Федерацием и Федеральнэ ЗэIукIэ ФедерациемкIэ и Совет и Тхьаматэу Валентина Матвиенко