Энергетикэм епхыгъэу Iоф зышIэхэрэм кIы­ма­фэм зыфагъэхьазыры. «Майкопская ТЭЦ» зыфиIорэм испециалистхэмрэ хэу­шъхьафыкIыгъэ комиссиемрэ уплъэкIунхэр ашIых.

«Кубаньэнергом», Ростех­надзорым, Адыгэ Республикэм экономикэ хэхъоныгъэмрэ сатыумрэкIэ и Министерствэ, ошIэ-­дэмышIэ IофхэмкIэ ГъэIорышIапIэу Адыгеим щыIэм, къалэу Мыекъуапэ иадминист­рацие яIофышIэхэр комиссием хэхьагъэх.

КъызыучъыIыкIэ ыкIи температурэр къызехыкIэ Iоф ышIэнымкIэ фитыныгъэ къэзытырэ тхьапэр предприятием IэкIагъэ­хьаным пае энергетикхэм Iоф­тхьабзэу рагъэкIокIырэр макIэп. Мэлылъфэгъум къыще­гъэжьагъэу Мыекъопэ ТЭЦ-м иIофышIэхэм жьым хэт линие километри 3,5-мэ, трансформаторнэ подстанцие ыкIи зэбгырыщыпIэ пункт 55-мэ ащыIэ оборудованиехэм гъэцэкIэжьынхэр арашIылIагъэх.

(Тикорр.).