Гъэсэныгъэм иучреждениехэр гъэцэкIэжьы­­­гъэнхэм, зэтегъэпсыхьэ­гъэн­хэм, гъэкIэ­жьы­гъэн­хэм ыкIи кIэу шIыгъэнхэм рес­пуб­ликэм мэхьанэшхо щыраты.

Мы аужырэ уахътэм мы лъэныкъомкIэ шъолъырым щызэшIуахыгъэр бэ.

Мыщ фэдэ псэуалъэу ашIыхэрэм ащыщ МыекъуапэкIэ чIыпIэ 240-рэ зиIэ кIэлэцIыкIу IыгъыпIэр. Урамэу Михайловым ыцIэ зыхьырэм къытеуцощт гъэсэныгъэм иучреждение игъэпсын непэ лъагъэкIуатэ.

Мыекъопэ къэлэ администрацием гъэсэныгъэмкIэ и Комитет къызэритырэмкIэ, джырэ уахътэм ехъу­лIэу псэуалъэм ыкIоцI зэтегъэ­псы­хьэгъэным епхыгъэ IофшIэнхэр аухыгъэх. Коммуникациехэр ращэлIагъэх, къэзыгъэнэфырэ пкъыгъо­хэр агъэуцугъэх. Учреждением къыпэIулъ чIыпIэри шэпхъэшIухэм адиштэу агъэпсы.

Шъугу къэдгъэкIыжьын, лъэпкъ проектэу «Демографием» къыды­хэлъытагъэу мы социальнэ псэо­лъакIэр ашIы. IофшIэнхэр зэрэлъы­кIуатэхэрэм, пшъэрылъхэр гъэцэ­кIагъэхэ зэрэхъурэм лъэплъэ ыкIи ынаIэ тет Адыгэ Республикэм и ЛIышъхьэу КъумпIыл Мурат.

(Тикорр.).