Iоныгъом и 29-р — гум и Дунэе маф. Ащ къыдыхэлъытагъэу, медицинэ профилактикэмкIэ Адыгэ республикэ гупчэм Урысые Iофтхьабзэу «Гур къэд­гъэгъунэзэ» зыфиIорэр Iоныгъом и 29 — 30-м регъэкIокIы. «Пчъэ зэIухыгъэхэм» я Мафэ чIыпIэ зэфэшъхьафхэм ащы­зэхащэщт.

ШIоигъоныгъэ зиIэ пстэуми ялъыдэкIуае зыфэдизыр, ялъэгагъэ, ащэчырэр зэра­гъэшIэн, лабораторнэ уплъэ­кIунхэр, кардиовизорымкIэ гум искрининг арагъэшIын амал яIэщт. Джащ фэдэу те­рапевтым, медицинэ психологым, кардиологым, неврологым зыгъэгумэкIырэ упчIэ­хэр афагъэзэнхэ алъэкIыщт.

Тхьамафэм къыкIоцI рес­публикэм ит гъэсэныгъэм иуч­реждениехэм «псауныгъэм исыхьатхэр» ащыкIощтых: лекциехэр, медицинэ уплъэ­кIун зэфэшъхьафхэр, гум изытет фэгъэхьыгъэ видеороликхэм якъэгъэлъэгъон.

Адыгеим псауныгъэр къэу­хъумэгъэнымкIэ и Минис­терствэ къызэритыгъэмкIэ, зэ­рэ­дунаеу ыкIи Урысыем цIыф­хэр зэрэлIыкIыхэрэм иушъхьагъу анахь шъхьаIэхэм зэу ащыщ гу-лъынтфэ узхэр. Гу-лъынтфэ узхэр къэмыгъэ­хъугъэнхэмкIэ ыкIи ахэм за­мыушъомбгъунымкIэ рес­публикэм имедицинэ орга­низациехэм пэшIорыгъэшъ Iофтхьабзэхэр зэрахьэх.

Гу-лъынтфэ узхэм зау­шъомбгъуным ищынагъоу диспансеризацием ыкIи ме­дицинэ уплъэкIунхэм къыхагъэщыгъэхэр:

— лъым хэлъ глюкозэр зэрэбэр — процент 27-рэ; — тэрэзэу зэрэмышхэ­хэрэр — процент 24,4-рэ; — физическэу макIэу зэ­рэзекIохэрэр — процент 23-рэ; — къащэчырэр зэрэбэр — процент 22-рэ; — лъыдэкIуаер — процент 15,4-рэ; — тутынешъоныр — процент 12; — шъон пытэхэр зэрэзэрахьылIэрэр — процент 0,4-рэ.

Iэшъынэ Сусан.