Экономикэм хэхъоныгъэ ышIыным пандемиер къегоуагъ нахь мышIэми, Къы­блэ федеральнэ шъолъырым хэхьэрэ субъектхэм ащыщэу шышъхьэIу мазэм промышленнэ къыдэгъэкIыным ииндекс Адыгеим къызэтыригъэнэн ылъэкIыгъ (проценти 106,3-рэ мэхъу).

Мэкъумэщ хъызмэтым икъыдэгъэкIын ииндекс про­центи 104,7-рэ хъугъэ.

Лъэпкъ проектхэм ыкIи Адыгеим социальнэ-эко­но­микэ хэхъоныгъэхэр ышIын­хэм иунэе программэм ягъэцэкIэн мэхьанэшхо ратыгъ. Къыхэгъэщыгъэн фае унэе программэмкIэ планым ипроцент 20 зэшIуахыгъ. Джащ фэ­дэу Адыгеим ипащэ инэплъэгъу ригъэкIырэп рес­публикэ бюджетыр гъэцэ­кIагъэ зэ­рэхъурэр, социальнэ фэIо-фашIэхэм ягъэцэкIэн.

«Къоджэ чIыпIэхэм хэ­хъоныгъэ ашIыныр» зыфиIорэ программэр гъэцэ­кIагъэ зэрэхъурэм, Лэ-гъо-Накъэ дэжь щыIэ гъогухэм ягъэкIэжьын ыкIи яшIын, этнопаркым игъэ­псын, нэмыкI упчIэхэми Адыгэ Республикэм ипащэ ынаIэ атет. «Бжъэдыгъу­хьабл — Адыгэкъал» зы­фи­Iорэ гъогум ишIын, ­гъогу зэхэкIыпIэхэм язэтегъэ­псыхьан республикэм и ЛIышъхьэ инэплъэгъу ригъэкIыхэрэп. (Тикорр.).