Мы илъэсым чъэпыогъум и 28-м къыщегъэжьагъэу и 30-м нэс Урысые шIэныгъэ-ушэтын конференциеу «Молодежь в трансформирующемся обществе: настоящее и будущее» зыфиIорэр Адыгэ къэралыгъо уни­верситетым щэкIо.

Апшъэрэ гъэсэныгъэр зыщызэрагъэгъотырэ учреждениер илъэс 80 зэрэхъурэм Iофтхьа­бзэр фэгъэхьыгъэщт.

Гъэсэныгъэ ыкIи шIэныгъэ учреждениехэм, ныбжьыкIэ организациехэм ялIыкIохэр кон­ференцием хэлэжьэнхэу къы­рагъэблэгъагъэх. Шъолъырым хэхъоныгъэхэр зэришIыщт лъэныкъохэм, опытэу аIэкIэлъым Iофтхьабзэм щытегущыIэщтых.

Конференцием пшъэрылъ шъхьаIэу иIэр ныбжьыкIэхэр непэ гумэкIыгъоу зэуалIэхэрэм шIэныгъэлэжьхэм ыкIи общест­вэм анаIэ тырадзэныр, къыткIэ­хъухьэрэ лIэужхэм ядунэе­еплъыкIэ зыфэдэр гъэнэфэгъэныр, нэмыкIхэри.

(Тикорр.).