Адыгэ Республикэм псауныгъэр къэухъумэ­гъэнымкIэ и Министерствэ ипресс-къулыкъу къызэритыгъэмкIэ, зэпахырэ узэу коронавирусым пэуцужьырэ вакци­нэу «Спут­ник V» зыфиIоу Урысыем къы­ща­шIы­гъэр республикэм къэсыгъ.

Апэрэ къэщэгъур пстэумкIи хэлъхьэгъу 42-рэ зэрэхъурэр.

COVID-19-р къызэузыгъэ сы­маджэхэм яIэзэхэрэ медицинэ IофышIэхэу джыри коро­навирусыр къызыпымыхьагъэхэм апэу вакцинэр ахалъхьанэу рагъэжьагъ.

— Вакцинэ «Спутник V» зы­фиIорэм фэдэ 42-рэ къытIэ­кIэхьагъ, — къыIуагъ псауныгъэр къэухъумэгъэнымкIэ министрэу Мэрэтыкъо Рустем. — Ар апэу зыхэтлъхьащтхэр медицинэ IофышIэхэу зэпахырэ узым пэуцужьыхэрэр ары.

Гриппым пэшIуекIорэ вакцинэри, коронавирусым пэуцужьырэри министрэм зыха­ригъэлъхьагъ.