ПэIудзыгъэ шIыкIэм тетэу

ЗэкIэми шъугу къэтэгъэкIыжьы, пыдзэфэ пытэхэм ядэщын фэгъэзэгъэ шъолъыр операторым коммунальнэ фэIо-фашIэу ыгъэцакIэхэрэм япхыгъэ упчIэ зиIэхэм пэIудзыгъэ шIыкIэм тетэу зыкъыфагъэзэнэу амал зэрэщыIэр. Ахъщэу къыпфалъы­тагъэм уимыгъэразэрэмэ, унэм щыпсэурэм ипчъагъэ зэхъокIыныгъэ фэхъугъэмэ, псэолъэшIыным къыпызыгъэ е нэмыкIэу транспорт гъэнэфагъэ зищыкIэгъэ хэкI дэпщын фаемэ офисым уемыкIуалIэу бгъэпсын плъэкIыщт.

ЦIыфхэм Iофыр нахь къафэгъэпсынкIэгъэным пае иинтернет нэкIубгъоу https://adygeya.clean-rf.ru зыфиIорэм упчIэу рагъахьэхэрэм региональнэ операторым джэуапхэр къащыретыжьых. Ащ иедзыгъоу «Контакты» зыфиIорэм упчIэр иптхэн, тхылъ горэ ибгъэгъусэн фаемэ, ари ибгъэхьан плъэ­кIыщт. Джащ фэдэу электроннэ почтэмкIэ къэбгъэхьыми хъущт. Мары адресыр: adg_ecocentr@ clean-rf.ru.

Ахэм ямызакъоу, шъолъыр операторым иофисхэм ячIэхьагъухэм почтэм иящикхэр апы­лъагъэх. Ахэр бгъэфедэхэми хъущт. Офисхэр зыдэщыIэхэр шъугу къэтэгъэкIыжьы: Мые­къуапэкIэ урамэу Пионерскэр, 297, АдыгэкъалэкIэ урамэу Советскэр, 2В ыкIи поселкэу ЯблоновскэмкIэ урамэу Школьнэр, 10/1.

Законым къыщыдэлъытэгъэ пIалъэхэм ашIомыкIэу пэIудзыгъэ шIыкIэм тетэу цIыфхэм яфэIо-фашIэхэр зэрафэдгъэцакIэхэрэр, джэуапынчъэу зыпари къызэрэтымыгъанэрэр къыхэдгъэщымэ тшIоигъу.

Щынэгъончъэнхэм пае

Мафэ къэс автомашинэ 60-мэ Адыгеим пыдзэфэ пытэхэр къыщаугъоих. Ахэр шъо­лъыр операторым мэфипшI тешIэ къэс дезинфекцие ешIых.

— ХэкIыр зэрэзетщэрэ транспортым игъэ­къэбзэн ыкIи дезинфекцие шIыгъэным лъэшэу тынаIэ тет, — къыIуагъ ООО-у «ЭкоЦентрэм» и Адыгэ шъолъыр къутамэ ипащэу Алыбэрд Налбый. — Ащ ищыкIэгъэ оборудованиер Мые­къопэ, Тэхъутэмыкъое районхэм ащытиIэ базэхэм ащыдгъэуцугъ. Санитарнэ шапхъэхэм къадыхэлъытэгъэ Iофтхьабзэхэр ащ фэгъэзэгъэ организацием зэзэгъыныгъэу дэтшIыгъэм тетэу арешIылIэх. Зэпахырэ узхэм замыушъомбгъуным фытегъэпсыхьэгъэ Iофтхьабзэхэр непэ анахьэу гъэцэкIэгъэн фаехэм ащыщых.

УпчIэ зиIэр мы телефонхэмкIэ къытеон ылъэкIыщт: 8-800-707-05-08, 8(8872)21-06-00. Мыхэм мафэ къэс, гъэпсэфыгъохэри, мэфэкIхэри зэрахэтхэу, сыхьатыр 7-м къыщыублагъэу 20-м нэс Iоф ашIэ.

ООО-у «ЭкоЦентрэм» и Адыгэ шъолъыр къутамэ ипресс-къулыкъу.