Адыгэ Республикэм и Къэралыгъо Совет – Хасэм илIыкIохэу Адыгэ Республикэм и Очыл палатэ иквалификационнэ комиссие хэтыщтхэм афэгъэхьыгъэ документхэр зэраштэрэмкIэ Адыгэ Республикэм и Къэралыгъо Совет – Хасэм макъэ къегъэIу.

Адыгэ Республикэм и Къэралыгъо Совет – Хасэм илIыкIохэу Очыл палатэм иквалификационнэ комиссие хэтын зылъэкIыщтхэр Урысые Федерацием игражданхэу Адыгэ Республикэм щыпсэухэрэр, зыныбжь илъэс 35-м нэсыгъэхэр, апшъэрэ юридическэ гъэсэныгъэ зиIэхэр, юридическэ сэнэхьатымкIэ илъэси 5-м нахь мымакIэу Iоф зышIагъэхэр, емыкIу зекIуакIэ къызыхэмыфагъэхэр ары.

Квалификационнэ комиссием лIыкIоу щыIэнхэ алъэкIыщтэп хьыкумым зиIоф ыIуагъэхэу пщыныжьыр зытырамыхыжьыгъэхэр; Урысые Федерацием и Федеральнэ ЗэIукIэ и Къэралыгъо Думэ, Адыгэ Республикэм и Къэралыгъо Совет – Хасэм, чIыпIэ зэгъэIорышIэжьынымкIэ лIыкIо къулыкъухэм ядепутатхэр; юридическэ Iофтхьабзэхэр зезыхьан зымылъэкIынэу алъытагъэхэр; наркологическэ е психоневрологическэ диспансерхэм яучет щытхэр; къэралыгъо IэнатIэхэр, къэралыгъо къулыкъумкIэ къэралыгъо IэнатIэхэр, муниципальнэ IэнатIэхэр, муниципальнэ къулыкъумкIэ муниципальнэ IэнатIэхэр зыIыгъхэр; ыпэкIэ зэкIэлъыкIоу квалификационнэ комиссием пIэлъитIукIэ хэтыгъэхэр; очылхэр.

Кандидатхэр къэзыгъэлъэгъон фитхэр Адыгэ Республикэм и Къэралыгъо Совет – Хасэм идепутатхэмрэ Адыгэ Респуб­ликэм и Къэралыгъо Совет – Хасэм идепутатскэ объединениехэмрэ ары.

Квалификационнэ комиссием ха­гъахьэмэ ашIоигъор къагъэлъагъо зы­хъукIэ мыщ фэдэ документхэр ара­хьылIэн фае:

Адыгэ Республикэм и Очыл палатэ иквалификационнэ комиссие щылIыкIоным къызэрезэгъырэмкIэ кандидатым ышъхьэкIэ зэхигъэуцогъэ тхыгъэр;

кандидатыр зыщыщыр къэзыушыхьатырэ документым икопие;

кандидатым юридическэ гъэсэныгъэ зэриIэр къэзыгъэшъыпкъэжьырэ дипломым икопие;

Iоф зэришIэрэр къызыщыгъэлъэгъогъэ тхылъым икопие;

кандидатым ехьылIэгъэ къэбар шъхьа­Iэхэу биографие нэшанэ зиIэхэр;

Iоф зыщишIэгъэ аужырэ чIыпIэм характеристикэу къыщыратыгъэр;

хьыкумым иIоф зэримыIуагъэмкIэ справкэр;

наркологическэ, психоневрологическэ диспансерхэм къащаратыгъэ медицинэ справкэхэр.

Адыгэ Республикэм и Очыл палатэ иквалификационнэ комиссие щылIыкIонэу кандидатыр къызэрагъэлъэгъуагъэм ехьы­лIэгъэ унашъор экземпляритIу хъоу кандидатхэр къэзыгъэлъэгъонхэу фитыныгъэ зиIэхэм Адыгэ Республикэм и Къэралыгъо Совет – Хасэм рахьылIэн фае.

2020-рэ илъэсым Iоныгъом и 22-м къыщегъэжьагъэу 2020-рэ илъэсым чъэпыогъум и 16-м нэс документхэр мыщ фэдэ чIыпIэм щаIахыщтых: къ. Мыекъуапэ, Жуковскэм иур., 22, я 304-рэ каб.