Урысыем и МЧС Адыгэ РеспубликэмкIэ и ГъэIорышIэпIэ шъхьаIэ икъутамэу Мыекъуапэрэ Мыекъопэ районымрэ машIом закъыщимыштэным лъыплъэрэм Iофтхьабзэу «Отопление» зыфиIорэр муниципальнэ образованиеу «Къалэу Мыекъуапэ» щызэрехьэ.

Ар зытегъэпсыхьагъэр ящыIэныгъэкIэ цIыфхэм ящыкIэгъэ, социальнэ мэхьанэ зиIэ псэуалъэхэр, унэхэр бжыхьэ-кIымэфэ лъэхъаным нахьышIоу ухъумэгъэнхэр, тхьамыкIагъохэр нахь макIэу къэгъэхъу­гъэнхэр ары. Мы Iофтхьабзэм къыдыхэлъытагъэу отделым иIофышIэхэм Урысые Федерацием ихэбзэгъэуцугъэ зэрэщыгъэнэфэгъэ шIыкIэм диштэу Мыекъуапэ икотельнэхэм язытет ауплъэкIущт, хьакухэм ягъэ­федэнкIэ шапхъэхэр зэрагъэцакIэрэр зэрагъэшIэщт. Шапхъэ­хэр зыукъуагъэу къыхагъэщыхэрэм Урысые Федерацием ихэбзэгъэуцугъэ зэрэщыгъэнэфагъэм тетэу адэзекIощтых, машIом зыкъимыштэным лъыплъэрэ къэралыгъо къулыкъум ахэм тхылъхэр афигъэхьыщтых, щыкIагъэхэр дэгъэзыжьыгъэнхэмкIэ хэбзэ къулыкъухэмрэ чIыпIэ зыгъэIорышIэжьынымкIэ къулыкъухэмрэ унэшъо гъэнэфагъэхэр аIэкIигъэ­хьащтых.

А.Р. Мамый. МашIом зыкъимыштэнымкIэ къалэу Мыекъуапэрэ Мыекъопэ районымрэ якъэралыгъо инспектор.