Адыгэ Республикэм и Къэралыгъо автоинспекторхэм Мыекъопэ политехническэ колледжым иволонтерхэр, къэбар жъугъэм иамалхэм ялIыкIохэр ягъусэхэу лъэсрыкIохэм ящынэгъончъагъэ фэIорышIэрэ Iофтхьабзэ Мыекъуапэ щырагъэкIокIыгъ.

Iофтхьабзэм изэхэщакIохэм гъогурыкIоным хэлажьэхэрэм зэфыщытыкIэ тэрэз ыкIи шъхьэ­кIэфэныгъэ азыфагу зэрилъынхэ фаер агу къагъэкIыжьыгъ.

ЛъэсрыкIохэм хэукъоныгъэу ашIыхэрэм ыкIи ахэр къахэмы­фэ­жьынхэм анаIэ тырарагъэ­дзагъ.

Водительхэм лъэсрыкIор къы­залъэгъукIэ къэуцунхэшъ, ахэр зэрэблагъэкIынхэ фаер ара­Iуагъ. ЛъэсрыкIохэр гъогум техьанхэм ыпэкIэ автомобилыр къызнэсыгъэм зыщагъэгъозэнэу щыт.

Студент-волонтерхэм Мые­къуапэ щыпсэухэрэм ыкIи хьа­кIэу къэкIуагъэхэм къафаIотагъ теле­фонхэм, тхьакIумэм илъ пкъыгъоу ащ зэредэIухэрэм ыкIи нэ­мыкI гаджетхэм гъогу зэпыры­кIыным яягъэу екIырэр. ЛъэсрыкIохэм а пкъыгъохэр зэрагъэ­фе­дэрэм ыпкъ къикIы- кIэ щынагъо къэзытырэ гъогу хъугъэ-шIэгъабэхэр мэхъух. ПэшIорыгъэшъ Iофтхьабзэр окIофэ гъогурыкIоным ишапхъэ­хэр гъогогъуи 7-рэ лъэсрыкIохэм аукъуагъэу полицейскэхэм къыхагъэщыгъ.

ГъогурыкIоным ишапхъэхэр зэрытхэгъэ тхьапэхэм нэфынэр къэзытырэ пкъыгъохэр ягъусэхэу Iофтхьабзэм хэлэжьагъэхэм аратыгъэх, зыфэсакъыжьынхэу араIуагъ.