Лъэпкъ проектэу «Псауныгъ» зыфиIорэм къыдыхэлъытагъэу Адыгеим ит кIэлэцIыкIу поликлиникэхэм сомэ миллион 47-м ехъу зыосэ медицинэ оборудованиякIэхэр аратыгъэх.

— Программэу «КIэлэцIыкIухэм япсауныгъ» зыфиIорэм къыдыхэлъытагъэу медицинэ оборудованиехэр къаIэкIэхьагъэх ыкIи рес­публикэм икIэлэцIыкIу поликлиникэхэм амалышIухэр ащагъэпсыгъэх — Джэджэ, Красногвардейскэ, Кощхьэблэ, Тэхъутэмыкъое район сымэджэщхэм, Адыгэкъалэ дэт сымэджэщым, Ханскэ поликлиникэм, Адыгэ республикэ кIэлэцIыкIу клиническэ сымэджэщым, — къытыгъ Адыгеим псауныгъэр къэухъумэгъэнымкIэ и Министерствэ.

Мы мурадхэм сомэ миллион 47,6-рэ апэIуагъэхьагъ, ащ щыщэу сомэ миллион 41,4-мкIэ — медицинэ оборудованиехэр къащэфыгъэх.