Непэ адыгэхэм я Мафэ хэтэгъэунэфыкIы. Къэбэр­тэе-Бэлъкъар Республикэм и ЛIышъхьэ иунашъокIэ къэралыгъо мэфэкIэу ар 2014-рэ илъэсым ишышъхьэIу мазэ аштагъ. Ащ къыщеIо Iоныгъом и 20-р адыгэхэм я Мафэу гъэнэфэгъэнэу. А мафэм къыщыублагъэу адыгэу тыдэ щыпсэухэрэми ар хагъэунэфыкIы, тилъэпкъ зиужьыжьыным, зэпхыныгъэхэр гъэпытэгъэ­ным фэIорышIэ.

Хабзэ зэрэхъугъэу, зэ­къош республикэхэм язэхэт номер мы мафэм къыдэтэгъэкIы. Непэрэ тедзэгъум къыщыхэтэутых гъэхъэгъэшхо зышIыгъэ тилъэпкъэ­гъухэу шъхьэкIэфэныгъэ къэзылэжьыгъэхэр, тикъэралыгъо ыкIи дунаим ащызэлъашIагъэхэр. Адыгэхэм макIэп зыцIэ къепIонэу къа­хэкIыгъэр, гурыIогъуаеп а зэкIэри зы гъэзет те­дзэгъум зэримыфэщтхэр. Арышъ, ныбджэгъухэр, непэ къыхэтымыгъэщыгъэхэм апае шъугу къытэшъумы­гъабгъ, ахэм ягугъуи тапэкIэ къэтшIыщт.

ЗыцIэ ды­шъэ хьарыфкIэ тарихъым хэтхагъэхэр адыгэ лъэпкъым щыгъуп­шэщтхэп.

Дэрбэ Тимур.