Дунэе зэIукIэгъухэр кушъхьэфэчъэ спортымкIэ Тыркуем щызэхащагъэх.

Адыгэ Республикэм испорт еджапIэ зыщызыгъасэхэрэр зэ­нэкъокъухэм ахэлажьэх. Европэм ихэгъэгухэм къарыкIыгъэхэр нэбгыри 120-м нахьыбэ хъу­хэу зы купым щызэIукIагъэх.

Километри 180-рэ къэзычъыгъэхэм, апэрэ чIыпIэхэм афэ­бэнагъэхэм ащыщ Урысыем ихэшыпыкIыгъэ командэ хэтэу, спортымкIэ дунэе класс зиIэ мастерэу СтIашъу Мамыр.

Адыгеим щапIугъэ спортсменым я 6-рэ чIыпIэр къыфагъэ­шъо­шагъ.

— Iоныгъом и 29-м нэс зэнэ­къокъухэр тиIэщтых. ЗэIукIэгъу­хэр гъэшIэгъонэу макIох, — къы­тиIуагъ СтIашъу Мамыр.

Адыгэ Республикэм щыщ пшъа­шъэхэри зэнэкъокъухэм ахэлэжьэщтых.