Адыгэ Республикэм хэгъэгу кIоцI IофхэмкIэ и Министерствэ щатхыгъэ народнэ дружинэ 45-мэ нэбгырэ 411-мэ къулыкъур ащахьы. Общественнэ объединением 2-мэ хэбзэухъумэн лъэныкъомкIэ Iоф ашIэ (нэбгырэ 65-рэ). Свидетельствэ 47-рэ аратыгъ.

2019-рэ илъэсыр тштэмэ, на­роднэ дружинэхэмрэ общест­веннэ объединениехэмрэ полицейскэхэм ягъусэхэу общественнэ рэхьатныгъэр къэухъумэгъэ­ным фытегъэпсыхьэгъэ Iофтхьабзэхэм гъогогъу 900-рэ хэлэ­жьагъэх. ЗэдагъэцэкIэгъэ Iоф­шIэным ишIуагъэкIэ административнэ хэбзэукъоныгъэ 1217-рэ къыхагъэщыгъ, ахэр зезыхьэгъэ нэбгырэ 1205-рэ къаубытыгъэх.

2020-рэ илъэсым имэзи 8 изэфэхьысыжьхэмкIэ, народнэ дружинэхэм ыкIи общественнэ объединениехэм ялIыкIохэр Iофтхьэбзэ 300-м ехъумэ ахэлэжьагъэх, общественнэ рэхьатныгъэр къаухъумагъ. НэмыкI къулыкъухэм ягъусэхэу дэкIыгъо 400-м ехъу ашIыгъ. Зэпахырэ узэу коронавирусым епхыгъэ Iофтхьабзэхэми ахэр чанэу ахэлэжьагъэх.