Iоныгъом и 15-м профессиональнэ ыкIи бытовой химием ия 3-рэ Ду­нэе къэгъэлъэгъонэу «ChemiCos-осень 2020» зыфиIорэр Москва къыщызэIуахыгъ.

Мы Iофтхьабзэм хэлажьэ ыкIи ипродукцие площадкэу «Крокус ЭКСПО» къыщегъэлъагъо Адыгеим икIыгъэ хъыз­мэтшIапIэу ООО-у «ДОМБЫТХИМ» зыфиIорэр. Урысыем ыкIи дунаим ябэдзэршIыпIэхэм зэпхыныгъэу ащыдыриIэм зыригъэушъомбгъунэу, компание пэрытхэм опытэу яIэр къапихынэу, ежь къы­дигъэкIырэри ыгъэ­лъэгъонэу ащ амал къыритыгъ.

Къыхэгъэщыгъэн фаер хъызмэтшIапIэр мы Iоф­тхьабзэм хэлэжьэнымкIэ Адыгэ Республикэм предпринимательствэм Iэпы­Iэгъу етыгъэнымкIэ ифонд зэрэдеIагъэр ары. АР-м экономикэ хэхъоныгъэмкIэ ыкIи сатыумкIэ и Министерствэ къызэрэща­IуагъэмкIэ, Лъэпкъ проектэу «Малое и среднее предпринимательство и поддержка индивидуальной предпринимательской деятельности» зыфиIорэм ар къыдыхэ­лъытагъ.