Медицинэ организациехэм ящыкIэгъэ компьютернэ оборудование зэфэ­шъхьафхэу Адыгэ Республикэм псауныгъэр къэухъумэгъэнымкIэ и Минис­тер­ст­вэ къыщэфыгъэхэм сомэ миллиони 144,8-рэ атефагъ.

Ахэм ащыщых хэутыгъэ­хэр къыдэзыгъэкIыжьырэ пкъыгъохэр, VipNet-координаторхэр, нэмыкIхэри.

Шъолъыр проектэу «Создание единого цифро-вого контура на основе единой государственной информационной системы здравоохранения» зыфиIорэм къыдыхэлъытагъэу, пстэумкIи пкъыгъо 1400-м ехъу къаIэкIэхьагъ.

— Адыгеим имедицинэ организациехэм ящыкIэгъэ компьютернэ техникэр ягъэ­гъотыгъэным ыкIи къэбарыр къэухъумэгъэным епхыгъэ Iофтхьабзэ­хэр ыкIэм фэкIонхэм яамал мы программэм къеты. Медицинэ документхэр электроннэ шIыкIэм тетэу атхын, сыма­джэр электроннэу чэзыум хагъэуцон, телемедицинэ упчIэжьэгъухэр ашIынхэ амал врачхэм яIэщт, — къыщаIуагъ псауныгъэр къэухъумэгъэнымкIэ министерствэм.

Мы уахътэм къащэфыгъэ техникэм игъэуцун ыкIи игъэфедэн епхыгъэ IофшIэнхэр макIох.

Iэшъынэ Сусан.