Москва ишIухьафтын шъхьаIэу Гран-прир къы­дэ­хыгъэным фэгъэхьыгъэ зэIукIэгъухэр кушъхьэфэчъэ спор­тымкIэ зэ­ха­щагъэх.

Адыгэ Республикэм ­испорт еджапIэ зыщызы­гъэсэрэ Анастасия Могилевскаяр трекым щыкIогъэ дунэе зэIукIэгъухэм ахэлэжьагъ, джэрзыр къыди­хыгъ.

Тренер-кIэлэегъаджэу Анатолий Федотовыр А. Мо­гилевскаям ипащ. Спортсменкэ ныбжьыкIэм хэгъэгум изэнэкъокъухэм ахэлэжьэнэу зегъэхьазыры.

Тыркуем щэкIо

Дунэе зэIукIэгъухэу кушъ­хьэфэчъэ спортымкIэ Тыркуем щыкIохэрэм Адыгэ Республикэм ихэ­шыпыкIыгъэ командэ хэтхэм яIэпэIэсэныгъэ къа­щагъэлъагъо.

— Тиспортсменхэр медальхэм афэбэнэщтых, — къытиIуагъ Адыгэ Рес­пуб­ликэм кушъхьэфэчъэ спортымкIэ и Федерацие ипащэу Анатолий Лелюк. — Олимпиадэ джэгунхэм ахэ­лэжьэнэу зызыгъэхьазырырэ Елизавета Ошурковар, Урысыем ихэшы­пыкIыгъэ командэ хэтэу, спортымкIэ дунэе класс зиIэ мастерэу СтIашъу Ма­мыр нахь ныбжьыкIаIохэм щысэшIу афэхъух.

Ольга Дейко, Елизавета Арчибасовар, Алена Рыцевар, Александр Ев­тушенкэр Тыркуем щыкIорэ зэIукIэгъухэм ахэлажьэх. А. Евтушенкэр Урысыем ихэшыпыкIыгъэ командэ хэт.

СтIашъу Мамыр къызэ­рэ­тиIуагъэу, Адыгеим ­испортсменхэм язэфыщытыкIэхэр зэнэкъокъухэм ащагъэпытэ. УпчIэжьэгъу зэфэхъухэзэ, спортым ишъэфхэр нахьышIоу зэрагъашIэх. Спортым гъэхъагъэу щашIырэмкIэ Адыгэ Республикэм ыцIэ дунаим щаIэты.