IэпыIэгъушхо мэхъу

УФ-м ПенсиехэмкIэ ифонд иинтернет нэкIубгъо къэбарэу къихьэрэ пстэумэ узэряджэшъурэм имызакъоу, уядэIун плъэкIынэуи щыт.

Ар тэрэзэу зымылъэгъухэрэмкIэ, экраным къы­тыридзэрэм еджэныр къызфэкъинхэмкIэ IэпыIэ-­ гъушхо мэхъу. КIакоу тхыгъэхэм ямызакъоу, статья инэу къихьэрэми уядэIун плъэкIынэу ащ амал къеты.

Мы IэпыIэгъур бгъэфедэным пае «Для слабовидящих» зыфиIорэр къызэIупхын фае. Нэужым узэдэIущт тхыгъэр къыхэбгъэщынышъ, «воспроизвести» зыфиIорэм утеIункIэщт. УзэдэIугъэр зыгорэкIэ икъоу къыбгурымыIуагъэмэ е зэхэмыхыгъэмэ, къэбгъэуцунышъ укъызэкIэкIожьыни плъэкIыщт.

Къыхэдгъэщымэ тшIоигъор компьютерым щыгъэ­псыгъэ браузерым е вирусым пэшIуекIорэм мы зигугъу къэтшIыгъэр зэфашIын зэралъэкIыщтыр ары. Ащ фэдэ мыхъуным пае ПенсиехэмкIэ фондым иинтернет нэкIубгъо «ишъхьаныгъупчъэхэр» зэфамышIынхэм тебгъэуцон фае. ПенсиехэмкIэ фондыр къэралыгъо учреждениеу мыщ фэдэ амал къэзытыхырэм апэрэу хъугъэ.

Iоныгъо мазэм и 30-м пIалъэр екIы

УФ-м и Президент иунашъоу кIэлэцIыкIу зэрыс унагъохэм социальнэ IэпыIэгъу тедзэ ятыгъэным фэгъэхьыгъэм къыдыхэлъытагъэу, УФ-м ПенсиехэмкIэ ифонд и Къутамэу АР-м щыIэм мы илъэсым имэлылъфэгъу-шышъхьэIу мазэхэм пстэумкIи сомэ миллионрэ мин 862,7-рэ ытыгъ.

Шъугу къэдгъэкIыжьын, Урысыем щыпсэурэ уна­гъоу 2020-рэ илъэсым ибэдзэогъу мазэ и 1-м нэс сабый къызэрыхъухьагъэхэм мэлылъфэгъу-мэкъуогъу мазэхэм, мазэ пэпчъ, сомэ мин тфырытф афатIупщыгъ. Джащ фэдэу зыныбжь илъэси 3-м шIокIыгъэу, ау 16-м емыхъугъэ кIэлэцIыкIухэм сомэ мин пшIырыпшI аратыгъ.

Мы ахъщэ тынхэр къызтефэрэ унагъоу ащ пае лъэIу тхылъыр джыри зымытыгъэхэм 2020-рэ илъэсым Iоныгъом и 30-м нэс пIалъэу яI, чъэпыогъум и 1-м ыуж кIасэ хъущт.

ЛъэIу тхылъыр къэралыгъо фэIо-фашIэхэм япортал щыптыныр анахь IэшIэх. МФЦ-м е ПенсиехэмкIэ фондым ичIыпIэ органэу узпэблагъэм уекIуалIэми хъущт, ау ащ пае пэшIорыгъэшъэу зябгъэтхын фае.

Шъузфэса­къыжьмэ нахьышIу

Мы мафэхэм, джыри коронавирусым ищынагъо зыщыIэ уахътэм, цIыфхэр, анахьэу нэжъ-Iужъхэр, общественнэ чIыпIэхэм нахь макIэу ащыIэнхэм фэшI къэралыгъо фэIо-фашIэхэр электроннэ шIыкIэм тетэу къызIэкIагъэхьанхэр бэкIэ нахьышIу.

ПенсиехэмкIэ фондым иинтернет нэкIубгъо «унэе кабинетэу» щыбгъэпсыгъэр ащкIэ IэпыIэгъу къыпфэ­хъущт. Пенсионерхэм ямызакъоу, пенсиер е нэмыкI социальнэ ахъщэ тын зыгъэпсыхэрэм, фондым ичIыпIэ органэу зэпхыгъэм тхылъ горэ къыгъэхьазырынэу зищыкIагъэхэм, IофшIапIэм Iутэу икоэффициентхэр, пенсиеу зэIукIагъэр зыфэдизхэр зэзгъашIэмэ зышIоигъохэм, ны мылъкум исертификат къызэратыгъэхэм электроннэ шIыкIэр агъэфедэн амал яI.

«Унэе кабинетымкIэ» ахъщэ тынэу къыптефэрэр бгъэпсын, пенсиер е социальнэ фэIо-фашIэхэр къызэрэпIэкIагъэхьащт шIыкIэр зэблэпхъун плъэкIыщт. Пенсионерым, сэкъатныгъэ зиIэ кIэлэцIыкIум е ицIыкIугъом къыщегъэжьагъэу сэкъатныгъэ зиIэм алъыплъэхэрэм ахъщэ тынэу къафакIорэри щагъэпсынэу амал яI. Ежь цIыфым ышъхьэкIэ лъэIу тхылъыр электроннэ шIыкIэм тетэу ымытышъугъэми, цыхьэ зыфишIэу законым тетэу ыгъэнэфагъэм фигъэпсын ылъэкIыщт. Ахъщэ тынэу фагъэпсыгъэм е нэмыкIэу ПенсиехэмкIэ фондым ипшъэрылъхэм ахахьэхэрэм алъэныкъокIэ упчIэ зиIэм, онлайн-приемнэмкIэ ар ыгъэхьын фит.

Адыгеим щыпсэоу мыщ нахь игъэкIотыгъэу зыщызгъэгъуазэмэ зышIоигъор УФ-м ПенсиехэмкIэ ифонд и Къутамэу АР-м щыIэм «илиние плъыр» ителефонхэм ащыщ къатеон ылъэкIыщт. Мары ахэр: 8(8772) 53-88-57, 8(8772) 21-01-86.

ПенсиехэмкIэ фондым иотделениехэм «ялиние плъырхэм» ятелефонхэр:

1. Къалэу МыекъуапэкIэ ГъэIорышIапIэм: +7(8772) 21-03-61, 21-03-57, 21-03-75 2. АдыгэкъалэкIэ фондым иотдел: +7(87772) 9-18-96, 9-14-75 3. Джэджэ районымкIэ ГъэIорышIапIэм: +7(87779) 9-15-47 4. Кощхьэблэ районымкIэ ГъэIорышIапIэм +7(87770) 9-10-76, 9-13-73 5. Красногвардейскэ районымкIэ ГъэIорышIапIэм: +7(87778) 5-30-14 6. Мыекъопэ районымкIэ ГъэIорышIапIэм: +7(87777) 2-14-76, 2-13-12 7. Тэхъутэмыкъое районымкIэ ГъэIорышIапIэм +7(87771) 96-9-06, 8(938)431-08-63 8. Теуцожь районымкIэ ГъэIорышIапIэм: +7(87772) 9-75-13, 9-76-20 9. Шэуджэн районымкIэ ГъэIорышIапIэм: +7(87773) 9-24-97, 9-26-57.

ЗыгорэкIэ ПенсиехэмкIэ фондым ичIыпIэ отделениеу шъузэпхыгъэм шъуемыкIуалIэмэ мыхъущтмэ, чэзыум шъуемыжэным пае пэшIорыгъэшъэу зяжъугъэтхымэ нахьышIу. Уахътэу шъузщыкIощтыр шъузщыфаем зэблэшъухъужьын шъулъэкIыщт.

УФ-м ПенсиехэмкIэ ифонд и Къутамэу АР-м щыIэм ипресс-къулыкъу.