УФ-м ПенсиехэмкIэ ифонд и Къутамэу АР-м щыIэм цIыфхэм упчIэхэмкIэ зыкъыфагъазэу бэрэ къыхэкIы. Мары ахэм ащыщ иджэуап. УПЧIЭ: Мэкъумэщ хъызмэтым бухгалтер Iофыр щызгъэцакIэщтыгъэм ыныбжь нэсы­гъэу страхованиемкIэ пенсиер фагъэуцугъэмэ, ащ гъэнэфагъэу тегъэхъогъэщт ахъщэ тыныр анахь иным (повышенная) фэдизын ылъэкIыщта?

ДЖЭУАП: Я 400-рэ федеральнэ хэбзэгъэуцугъэм ия 17-рэ статья щыгъэнэфэгъэ шапхъэхэм 2019-рэ илъэсым ищылэ мазэ и 1-м кIуачIэ яIэ хъугъэ.

Ахэм мэкъумэщ хъызмэтым илъэс 30-м къыщымыкIэу щылэжьагъэу, непэ IофшIапIэм Iумытыжьым страхованиемкIэ пенсиеу е сэкъатныгъэ зэриIэм фэшI афагъэуцугъэр процент 25-кIэ къэIэтыгъэнэу къащыдэлъытагъ.

IофшIэгъэ илъэс пчъагъэу цIыфым иIэр къызалъытэкIэ сэнэхьатэу Iоф зэришIагъэр къыдалъытэ. Ащ фэдэ ахъщэ тын фагъэпсынэу фитыныгъэ зиIэхэр зэрылэжьэгъэн фэе сэнэхьатхэм яспискэ УФ-м и Правительствэ къыгъэнэфагъэу щыт. Ащ хьасэхэм, фермэхэм ащылэжьагъэхэр, ахэм япхыгъэ Iоф зыгъэцакIэщтыгъэхэр арых хахьэхэрэр. Мэкъумэщ IофшIэным занкIэу фэмыгъэзэгъагъэ­хэр, бухгалтерхэр, экономистхэр, кассирхэр, кадрэхэмкIэ отделхэм ачIэсыгъэхэр, секретарь-машинисткэхэр, а спискэм хэтхэп.

УФ-м ПенсиехэмкIэ ифонд и Къутамэу АР-м щыIэм ипресс-къулыкъу.