ШIэныгъэм и МафэкIэ, илъэ­сыкIэ еджэгъур зэрэшъуублэ­жьырэмкIэ тышъуфэгушIо!

ИцIыкIугъом къыщегъэжьагъэу тащыщ пэпчъкIэ Iоныгъом и 1-м мэхьанэшхо иI. Ау мы мафэр анахьэу зыгу къинэ­жьыщтхэр гурыт еджапIэм апэ­рэу чIэхьащтхэр ары. А мафэм ахэр щыIэныгъэ гъогоу хъугъэ-шIэгъэ гъэшIэгъонхэмкIэ, текIоныгъэхэмкIэ, гъэхъагъэхэмкIэ баищтым техьащтых.

КIэлэцIыкIу пэпчъ гурыт еджа­пIэм щигъэкIогъэ илъэсхэр ыгу къинэжьынхэ, амал зэри­IэкIэ нахьыбэу шIэныгъэ зэ­ригъэгъотыным пылъын фае. КIэлэеджакIохэмрэ студентхэм­рэ дэгъоу еджэнхэмкIэ, ныбжьыкIэхэм гъэсэныгъэ дэгъурэ шIэныгъэ куурэ ягъэгъотыгъэнымкIэ непэ республикэм Iофышхо щызэшIуахы.

Адыгэ Республикэм иныбжьыкIэхэм шIэныгъэ куу языгъэгъотырэ, ахэм япIункIэ зы­шъхьамысыжьырэ кIэлэегъа­джэхэм анахьэу мы мафэм гущыIэ фабэхэр апэдгъохы, ты­зэрафэразэр ятIо тшIоигъу.

IэпэIэсэныгъэшхо зэряIэм, яIоф зэрэфэшъыпкъэхэм яшIуа­гъэкIэ республикэм икIэлэегъа­джэхэм тапэкIи гъэхъагъэхэр зэрашIыщтхэм, ныбжьыкIэхэм яамалхэм зыкъызэIуягъэхы­гъэным кIуачIэу яIэр зэрэра­хьылIэщтым тицыхьэ телъ.

КIэлэегъаджэхэми, кIэлэеджа­кIохэми, ны-тыхэми псауныгъэ пытэ яIэнэу, тыдэрэ лъэныкъо­кIи гъэхъагъэхэр щашIынэу, илъэсыкIэ еджэгъур мафэкIэ рагъэжьэжьынэу тафэлъаIо!

Адыгэ Республикэм и ЛIышъхьэу, Урысые политикэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет —Хасэм и Тхьаматэу Владимир Нарожный