Шэуджэн районым щыпсэурэ хъулъфыгъэм кIэлэпIупкIэр зэримытырэм къыхэкIэу административнэ Iоф къыфызэIуахыгъ. Ащ заримыгъэгъотэу бэкIаерэ хэтыгъ, ау хьыкум приставхэм ар зыдэщыIэр агъэунэфи, административнэ пшъэдэкIыжь рагъэхьыгъ.Джэджэ район хьыкумым унашъоу ышIыгъэмкIэ хъулъфыгъэм мазэ къэс исабый сомэ 3500-рэ ритынэу щытыгъ. Ау ипшъэрылъхэр ыгъэцэкIэнхэм ар дэгуIэщтыгъэп, зызэригъэбылъырэм къыхэкIэу розыскым ратыгъ. КIэлэпIупкIэмкIэ чIыфэу зэIуигъэкIагъэр сомэ мин 240-м ехъугъ.

Хъулъфыгъэм ылъэныкъокIэ административнэ протокол зэхагъэуцуагъ ыкIи мэфи 10-м телъытэгъэ административнэ арест тыралъхьагъ.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.