ИлъэскIэ узэкIэIэбэжьмэ пластикым хэшIыкIыгъэ пкъыгъохэр шъхьафэу цIыфхэм ратэкъонхэу контейнерхэр пыдзэфэ пытэхэм ядэщын фэгъэзэгъэ региональнэ операторым ыгъэуцугъэх.

Нэужым къызэрэнэфа­гъэмкIэ, Адыгеим щыпсэу­хэрэм ахэр игъоу алъытагъ, нахьыбэуи агъэфедэхэ хъугъэ.

Ащ фэдэ контейнерхэр тхьамафэм зэ Iущыгъэнхэу графикым итыгъ, ау джы зэрэхъугъэмкIэ, ар макIэ. Гъэмэфэ мэфэ фабэхэм пластикым хэшIыкIыгъэ бэ­шэрэбхэм арыт псыр на­хьыбэу цIыфхэм агъэфедэ ыкIи контейнерхэр охътэ кIэкIым ушъагъэ мэхъух.

Ащ фэшI шышъхьэIу ма­зэу тызыхэтым региональнэ операторым графикыр нэмыкI ышIыгъ. Джы ахэр тхьамафэм тIо, бэрэскэ­жъыемрэ тхьаумафэмрэ, Iуещых.

Шъугу къэтэгъэкIыжьы, ащ фэдэ контейнерхэм пластикым хэшIыкIыгъэ псэуалъэу литритфым на­хьыбэ зэрымыфэхэрэр ары ишъудзэщтыр. Ахэм ахэхьэх псы, квас, сок, щэ, кефир ыкIи нэмыкI шъонхэр, дагъэр, бытовой хи­миер зэрытхэр, ау щатэ, йогурт, нэмыкIэу щэм хэшIыкIыгъэхэр, кIэнкIэ, майо­нез, кофе, щай, чипсхэр, цэхэр зэралъэкIырэ пастэ­хэр зэрылъыгъэхэр арышъу­такъо хъущтэп.

ХэкIыр зыщыIуащырэ уахътэм епхыгъэ упчIэ зи­Iэр мы телефонхэмкIэ къы­теон ылъэкIыщт: 8-800-707-05-08, 8(8772)21-06-00, 8-962-868-14-62.